પત્નિએ છાતીમાં મુક્કો માર્યો : પતિનું મૃત્યુ
પતિ દારૂનો વ્યસની હતો : દંપતીમાં ઘણીવાર ઝઘડો થતો'તો
લાતુર, તા.૫: મહારાષ્ટ્રના લાતુર જિલ્લામાંથી ઘરેલુ ઝઘડાનો એક ગંભીર કેસ નોંધાયો છે. પતિ-પત્ની વચ્ચેના ઝઘડા દરમિયાન ૪૯ વર્ષીય વ્યક્તિનું મોત થયું. પોલીસે તેની પત્નીની અટકાયત કરી છે અને વધુ તપાસ શરૂ કરી છે.
પોલીસના જણાવ્યા અનુસાર, મળતકની ઓળખ સિકંદર સિદારામ રાઠોડ તરીકે થઈ છે. સિકંદર દારૂનો વ્યસની હોવાનું કહેવાય છે અને તેની પત્ની કમલબાઈ સાથે ઘણીવાર ઝઘડા થતા હતા. પરિવારના સભ્યોના જણાવ્યા અનુસાર, પતિ દારૂ પીને ઘરે પાછો ફરે અને ઝઘડા શરૂ કરે તે સામાન્ય વાત હતી.
મંગળવારે સાંજે સિકંદર દારૂ પીને ઘરે પહોંચ્યો. તેની પત્ની સાથે કોઈ વાતને લઈને ઝઘડો થયો. આ ઝઘડો ઝડપથી શારીરિક ઝઘડામાં ફેરવાઈ ગયો. પોલીસનું કહેવું છે કે ઝઘડા દરમિયાન સિકંદર જમીન પર પડી ગયો, તેને માથામાં ગંભીર ઈજા થઈ. તેની હાલત બગડી ગઈ અને તે બેભાન થઈ ગયો. ઘટના બાદ, તેની પત્ની કમલબાઈ તેને સારવાર માટે લાતુરની સરકારી હોસ્પિટલમાં લઈ ગઈ.
જોકે, હોસ્પિટલમાં પહોંચ્યા બાદ, ડોકટરોએ સિકંદરને મળત જાહેર કર્યો. હોસ્પિટલમાંથી માહિતી મળ્યા બાદ, પોલીસ ઘટનાસ્થળે પહોંચી અને ઘટનાની તપાસ શરૂ કરી. પ્રાથમિક તપાસના આધારે, પોલીસે કમલબાઈ વિરુદ્ધ કેસ નોંધ્યો છે. અધિકારીઓના જણાવ્યા અનુસાર, મહિલા પર ભારતીય દંડ સંહિતા (IPC) હેઠળ હત્યા ન ગણાતા સદોષ હત્યાનો આરોપ મૂકવામાં આવ્યો છે. તેણીને કસ્ટડીમાં લેવામાં આવી છે અને તેની પૂછપરછ કરવામાં આવી રહી છે. પોલીસનું કહેવું છે કે ઘટનાના સંજોગોને ધ્યાનમાં રાખીને દરેક ખૂણાથી કેસની તપાસ કરવામાં આવી રહી છે. મળતદેહને પોસ્ટમોર્ટમ માટે મોકલવામાં આવ્યો છે, અને રિપોર્ટ આવ્યા પછી આગળની કાર્યવાહી કરવામાં આવશે
(3:58 PM IST)
છેલ્લા 8 દિવસમાં સૌથી લોકપ્રિય 
