નવી દિલ્‍હીઃ  અમેરિકા, ઇઝરાયેલ અને ઈરાન વચ્ચે ચાલી રહેલા સંઘર્ષમાં અમેરિકી સેનાને મોટું નુકસાન વેઠવાનો વારો આવ્યો છે. ગયા રવિવારે કુવૈતમાં ઈરાન દ્વારા કરવામાં આવેલા ઘાતક ડ્રોન હુમલામાં યુ.એસ. આર્મીના ૬ સૈનિકો શહીદ થયા હતા. શનિવારે વહેલી સવારે આ તમામ સૈનિકોના પાર્થિવ દેહને અંતિમ વખત અમેરિકા પરત લાવવામાં આવ્યા હતા. આ ૬ સૈનિકો ઉપરાંત, મેજર ડેવિઅસ નામક અધિકારીનું પણ આ હુમલામાં મોત થયું હોવાનું બહાર આવ્યું છે. જોકે, યુ.એસ. ડિપાર્ટમેન્ટ ઓફ ડિફેન્સ અથવા સેન્ટકોમ દ્વારા હજુ સુધી સત્તાવાર રીતે તેમના મૃત્યુની જાહેરાત કે પુષ્ટિ કરવામાં આવી નથી.