ફોર્બ્સની યાદીમાં ભારતનો દબદબો : ૨૪ નવા અબજોપતિઓની એન્ટ્રી
અંબાણી-અદાણીનું રાજ યથાવત અને લક્ષ્મી મિત્તલની સંપત્તિમાં તોતિંગ ઉછાળોઃ સાવિત્રી જિંદાલ મહિલાઓમાં મોખરે : વૈશ્વિક અર્થતંત્રમાં ભારતની મજબૂત પકડ : શેરબજારના ઉછાળા અને નવી લિસ્ટિંગ કંપનીઓએ દેશના અબજોપતિઓની સંખ્યા ૨૨૯ પર પહોંચાડી
નવી દિલ્હી, તા.૧૬: ભારતીય અર્થતંત્ર માટે ગર્વ લેવા જેવા સમાચાર સામે આવ્યા છે. ફોર્બ્સની વર્ષ ૨૦૨૬ની લેટેસ્ટ યાદી મુજબ, ભારતે વિશ્વના ધનિકોની યાદીમાં પોતાની પકડ વધુ મજબૂત કરી છે. છેલ્લા એક જ વર્ષમાં દેશમાં નવા ૨૪ અબજોપતિઓ ઉમેરાયા છે, જેના કારણે ભારતની કુલ અબજોપતિઓની સંખ્યા હવે ૨૨૯ પર પહોંચી ગઈ છે. આ વધારા પાછળનું મુખ્ય કારણ ભારતીય શેરબજારમાં જોવા મળેલો ઉછાળો અને ઘણી નવી કંપનીઓના સફળ આઈપીઓ (IPO) માનવામાં આવે છે. જોકે, એક બાજુ અબજોપતિઓની સંખ્યા વધી છે, તો બીજી તરફ ટોચના ૧૦૦ ધનિકોની કુલ સંપત્તિમાં ૯%નો નજીવો ઘટાડો જોવા મળ્યો છે, જે બજારની અસ્થિરતા સૂચવે છે.
રિલાયન્સ ઇન્ડસ્ટ્રીઝના સુકાની મુકેશ અંબાણી ફરી એકવાર ભારતના સૌથી ધનિક વ્યક્તિ તરીકે ઉભરી આવ્યા છે. રિલાયન્સના નફામાં થયેલા ૧૨%ના વધારાને કારણે તેઓ એશિયામાં પણ પોતાનું વર્ચસ્વ જાળવી રાખવામાં સફળ રહ્યા છે. મુકેશ અંબાણી અને ગૌતમ અદાણીની સંયુક્ત સંપત્તિમાં જ $૧૪.૭ બિલિયનનો વધારો થયો છે. રસપ્રદ વાત એ છે કે, દેશના ટોચના ૧૦ ધનિકો પાસે જ ભારતની કુલ અબજોપતિ સંપત્તિનો ત્રીજો ભાગ એટલે કે $૩૬૮ બિલિયન રહેલા છે. આ આંકડાઓ દર્શાવે છે કે ભારતના જૂના અને મજબૂત ઉદ્યોગગળહો આજે પણ વૈશ્વિક સ્તરે ટક્કર આપી રહ્યા છે. આ વર્ષની યાદીમાં સૌથી વધુ ચોંકાવનારો ઉછાળો સ્ટીલ કિંગ લક્ષ્મી મિત્તલની સંપત્તિમાં જોવા મળ્યો છે. આર્સેલરમિત્તલના શેરમાં ૮૦% થી વધુનો ઉછાળો આવતા તેમની સંપત્તિમાં $૧૧.૮ બિલિયનનો વધારો થયો છે, જે તેમને ભારતના ચોથા સૌથી ધનિક વ્યક્તિ બનાવે છે. બીજી તરફ, સાવિત્રી જિંદાલ દેશના ત્રીજા સૌથી ધનિક વ્યક્તિ અને સૌથી ધનિક મહિલા તરીકે પોતાનું સ્થાન જાળવી રાખ્યું છે. ભારતમાં હવે ૨૦ મહિલા અબજોપતિઓ છે, જે મહિલા સશક્તિકરણ અને બિઝનેસ ક્ષેત્રે તેમની વધતી ભાગીદારીનો જીવંત પુરાવો છે. યુકેના નવા ટેક્સ નિયમોને કારણે મિત્તલનું સ્વિટ્ઝર્લૅન્ડ સ્થળાંતર પણ આ વર્ષે ભારે ચર્ચામાં રહ્યું છે
(3:31 PM IST)
છેલ્લા 8 દિવસમાં સૌથી લોકપ્રિય 
