નવી દિલ્‍હી,તા.૧૮: સુપ્રીમ કોર્ટે કેન્‍દ્ર સરકારને પિતૃત્‍વ રજાને સામાજિક સુરક્ષા લાભ તરીકે માન્‍યતા આપતો કાયદો ઘડવા વિનંતી કરી. તેમાં કહેવામાં આવ્‍યું છે કે વાલીપણા એ એક વ્‍યક્‍તિનું કામ નથી અને જ્‍યારે માતાની ભૂમિકા બાળકના વિકાસમાં કેન્‍દ્રિય હોય છે, ત્‍યારે પિતાની ભૂમિકાને અવગણવી અન્‍યાયી હશે.

કોર્ટે એ પણ ભાર મૂક્‍યો કે પિતૃત્‍વ રજાની જોગવાઈ લિગ ભૂમિકાઓને તોડવામાં મદદ કરે છે, પિતાને બાળ સંભાળમાં સક્રિય ભૂમિકા ભજવવા માટે પ્રોત્‍સાહિત કરે છે અને વાલીપણા વિશે સંતુલિત સમજણ વિકસાવે છે.

પરિવાર અને કાર્યસ્‍થળમાં લિગ સમાનતાને પ્રોત્‍સાહન આપે છે. સુપ્રીમ કોર્ટ પ્રસૂતિ રજા સંબંધિત અરજી પર સુનાવણી કરી રહી હતી.

કોર્ટે ચુકાદો આપ્‍યો કે દત્તક લેતી માતાઓને બાળકની ઉંમર ગમે તે હોય, ૧૨ અઠવાડિયાની પ્રસૂતિ રજા મળવી જોઈએ.

આ કેસ મેટરનિટી બેનિફિટ એક્‍ટ, ૧૯૬૧ ની કલમ ૫(૪) ને પડકાર આપે છે. જોગવાઈમાં જણાવાયું હતું કે દત્તક લેનાર માતાઓને ૧૨ અઠવાડિયાની મેટરનિટી લીવ ફક્‍ત ત્‍યારે જ મળશે જો દત્તક લીધેલું બાળક ત્રણ મહિનાથી ઓછું હોય. કોર્ટે ૧૨ નવેમ્‍બર, ૨૦૨૪ ના રોજ એક પીઆઈએલ પર કેન્‍દ્ર સરકારને નોટિસ જારી કરી હતી.

આ કાયદા હેઠળ, કામ કરતી મહિલાઓને તેમની અપેક્ષિત ડિલિવરીની તારીખ પહેલા છ અઠવાડિયા અને છ અઠવાડિયા પછી રજા મળશે. આ સમયગાળા દરમિયાન, તેમને એ જ પગાર અને ભથ્‍થાં ચૂકવવામાં આવશે જે તેમને છેલ્‍લે ચૂકવવામાં આવ્‍યા હતા. કોર્ટે હવે કોર્ટને પિતા માટે સમાન કાયદો ઘડવાનો વિચાર કરવા કહ્યું છે.

પીટિશનમાં કહેવામાં આવ્‍યું છે કે આ જોગવાઈ મેટરનિટી બેનિફિટ એક્‍ટની ભાવનાની વિરુદ્ધ છે. અરજદારે જણાવ્‍યું હતું કે જો કિશોર ન્‍યાય કાયદા અને દત્તક પ્રક્રિયાની જોગવાઈઓ હેઠળ નવજાત બાળકને દત્તક લેવામાં આવે તો પણ પ્રક્રિયા પૂર્ણ થવામાં ત્રણ મહિનાથી વધુ સમય લાગશે. ષીને માતા બનવાનો અધિકાર છે અને તેને આ અધિકારથી વંચિત રાખી શકાતી નથી. જો કોઈ ષી ગર્ભવતી હોય, તો તેને નોકરીમાંથી કાઢી શકાતી નથી. તેમજ જો તે પ્રસૂતિ દરમિયાન રજા લે તો તેનો પગાર રોકી શકાતો નથી. સગર્ભા ષીઓને કલમ ૪૨ હેઠળ રક્ષણ આપવામાં આવ્‍યું છે.