મહિને એક લાખ રૂપિયા ભાડું ચૂકવે છે સોફટવેર એન્જિનિયર યુવતીઓ!
મુંબઈમાં વધતી જતી મિલકતની કિમતો અને વધી રહેલા ભાડાના ખર્ચને દર્શાવતો એક વીડિયો સોશિયલ મીડિયા પર ઝડપથી વાયરલ
મુંબઈ,તા.૨૦: મુંબઈમાં વધતી જતી મિલકતની કિમતો અને વધી રહેલા ભાડાના ખર્ચને દર્શાવતો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં, બે સોફટવેર એન્જિનિયર યુવતીઓ તેમ ભાડાના અપાર્ટમેન્ટનો ટુર કરાવતી જોવા મળી રહી છે, અને જ્યારે તે આ ઘરનું ભાડું કહે છે તે સાંભળી બધા ચોંકી જાય છે અને હવે તેની ચર્ચા પણ થઈ રહી છે.
વીડિયોમાં જણાવવામાં આવ્યું છે કે અપાર્ટમેન્ટ પરેલમાં આવેલું છે, જે શહેરના મુખ્ય અને સૌથી મોંઘા વિસ્તારોમાંનું એક માનવામાં આવે છે. તેમની વાતચીત દરમિયાન, બન્ને રહેવાસીઓએ ખુલાસો કર્યો કે તેઓ આ ૨ગ્ણ્ધ્ અપાર્ટમેન્ટ માટે આશરે રૂ. ૧ લાખનું માસિક ભાડું ચૂકવે છે, જેમાં મેન્ટેનન્સ ખર્ચનો સમાવેશ થાય છે. આ અપાર્ટમેન્ટ આશરે ૭૦૦ ચોરસ ફૂટનું છે. તેમાં બે બેડરૂમ, એક લિવિગ રૂમ અને અન્ય મૂળભૂત સુવિધાઓનો છે. માસ્ટર બેડરૂમમાં થોડી જગ્યા છે, જ્યારે બીજો બેડરૂમ થોડો નાનો છે. બન્ને રૂમમેટ્સે ઉલ્લેખ કર્યો છે કે તેઓ તેમનો મોટાભાગનો સમય લિવિગ રૂમમાં વિતાવે છે, જ્યાં તેઓ વાતચીત અને કામ સંબંધિત ચર્ચાઓમાં વ્યસ્ત રહે છે. અપાર્ટમેન્ટમાંથી બહાર શું કેવી લ્લશ્ય જોવા મળે છે તે પણ આ વીડિયો બતાવવામાં આવ્યું છે. બારીમાંથી, દૂરના આકાશમાં વિમાનો ઉડતા અને લેન્ડ કરતાં જોઈ શકાય છે.
એક યુવતીએ કહ્યું, તમે અહીંથી ફલાઇટ્સનું ટેકઑફ લેન્ડિંગ જોઈ શકો છો. મને આ જ સૌથી વધુ ગમે છે.ઙ્ઘ તેણે ઉમેર્યું કે આ લ્લશ્ય તેને કામ પર લાંબા દિવસ પછી આરામની મળે છે. બન્ને યુવતીઓ ૨૩ વર્ષીય સોફટવેર એન્જાિનિયર છે. તેઓએ જણાવ્યું કે શહેરમાં ઉપલબ્ધ બેસ્ટ કરિયર તકોને કારણે તેઓએ મુંબઈમાં રહેવાનું નક્કી કર્યું. જોકે, તેમણે એ પણ નોંધ્યું કે શહેરમાં લાંબા અંતરને કારણે વ્યક્તિગત સંબંધો જાળવવા પડકારજનક બની શકે છે - ખાસ કરીને જ્યારે જીવનસાથી બાન્દ્રા જેવા અલગ વિસ્તારમાં રહે છે.
આ વીડિયોને સોશિયલ મીડિયા યુઝર્સ તરફથી વિવિધ પ્રકારની પ્રતિક્રિયાઓ મળી છે. ઘણા લોકોએ એ હકીકત પર આﾍર્ય વ્યક્ત કર્યું કે યુવતીઓ આટલા નાની ઉંમરે એક લાખનું માસિક ભાડું ચૂકવી રહી છે. એક યુઝરે ટિપ્પણી કરી કે, આ ઉંમરે પણ વ્યક્તિ ખર્ચાઓ પૂરા કરવા માટે ઘરેથી પૈસા લઈ રહી છે, જ્યારે બીજા યુઝરે અનુમાન લગાવ્યું કે આટલું ઊંચું ભાડું ચૂકવવા માટે, તેમનો માસિક પગાર ઓછામાં ઓછો રૂ. ત્રણ લાખ હોવો જોઈએ. તેનાથી વિપરીત, કેટલાક યુઝર્સે વિસ્તાર અને પૂરી પાડવામાં આવતી સુવિધાઓને ધ્યાનમાં રાખીને ભાડું વાજબી માન્યું. ઘણા લોકોએ ધ્યાન દોર્યું કે મધ્ય મુંબઈમાં આવા ભાડા દર સામાન્ય છે. આ વીડિયોએ ફરી એકવાર મુંબઈના રિયલ એસ્ટેટ અને સતત વધતા ભાડા ખર્ચની ચર્ચાને વધુ તીવ્ર બનાવી દીધી છે. ઘણા યુઝર્સ માને છે કે શહેરમાં રહેઠાણનો ખર્ચ સતત વધી રહ્યો છે, જેના કારણે સરેરાશ વ્યક્તિ માટે ઘર ખરીદવું કે ભાડું ચૂકવવું મુશ્કેલ બની રહ્યું છે.
(10:39 AM IST)
છેલ્લા 8 દિવસમાં સૌથી લોકપ્રિય 
