ઈરાનની સંસદના સ્પીકર મોહમ્મદ બાકેર ગાલીબાફે હાલના સંઘર્ષ અંગે એક કડક અને સ્પષ્ટ નિવેદન આપ્યું છે. તેમણે કહ્યું છે કે ઈરાન માનવતા માટે લડી રહ્યું છે અને આ વૈશ્વિક લડાઈમાં કોઈ મધ્યમ માર્ગ બચ્યો નથી. ગાલીબાફે આંતરરાષ્ટ્રીય સમુદાય સમક્ષ સ્પષ્ટતા કરતા જણાવ્યું હતું કે, "દુનિયા કાં તો ગાઝાની સાથે છે અને આ સંસ્થાનવાદી આતંકવાદી શાસન (ઈઝરાયેલ)ની વિરુદ્ધમાં છે, અથવા તો તે એપ્સ્ટીન અને બાળકો પર અત્યાચાર કરનારાઓની સાથે ઊભી છે." 

આ નિવેદન એવા સમયે આવ્યું છે જ્યારે મધ્ય પૂર્વમાં તણાવ ચરમસીમાએ છે અને ઈરાન તથા ઈઝરાયેલ વચ્ચે સીધો સૈન્ય સંઘર્ષ તીવ્ર બની રહ્યો છે. 

ઈરાન દ્વારા સતત પેલેસ્ટાઈન અને ગાઝાના નાગરિકોના સમર્થનમાં અવાજ ઉઠાવવામાં આવી રહ્યો છે. ઈરાની નેતાઓએ વારંવાર ઈઝરાયેલની સૈન્ય કાર્યવાહીની નિંદા કરી છે અને પશ્ચિમી દેશો પર ઈઝરાયેલને છાવરવાનો આરોપ લગાવ્યો છે. 

ગાલીબાફનું આ નિવેદન દર્શાવે છે કે ઈરાન આ વૈશ્વિક મંચ પર પોતાનું વલણ વધુ આક્રમક બનાવી રહ્યું છે અને પાછળ હટવા તૈયાર નથી.