છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
જંગથી સર્વત્ર ઉર્જા સંકટઃ રાજ્યો પ્રવાસી શ્રમિકોની કાળજી રાખે
હોર્મુઝ સ્ટ્રેટમાં ફસાયેલા જહાજો અને ઉર્જા સંકટના ઉકેલ માટે અમેરિકા-ઈરાન સાથે સતત સંપર્કમાં સરકારઃ ભારત કોઈ પણ કટોકટી સામે લડવા સજ્જઃ પશ્ચિમ એશિયામાં શાંતિ જ એકમાત્ર માર્ગ રાજ્યસભામાં પીએમ મોદીએ ઉર્જા સુરક્ષા માટેનો ‘માસ્ટર પ્લાન' અને દેશના અર્થતંત્રને વૈશ્વિક આંચકાઓથી બચાવવા માટે સરકારની મક્કમ રણનીતિની જાણકારી આપી
નવી દિલ્હી, તા.૨૪: પશ્ચિમએશિયામાં સતત વધી રહેલા સૈન્ય સંઘર્ષ અને ઈરાન-ઈઝરાયેલ વચ્ચેના તણાવે ભારત સહિત સમગ્ર વિશ્વની ઉંઘ હરામ કરી દીધી છે. મંગળવારે રાજ્યસભામાં આ કટોકટી અંગે નિવેદન આપતા વડાપ્રધાન નરેન્દ્ર મોદીએ અત્યંત ગંભીરતા સાથે રાષ્ટ્રને સંબોધન કર્યું હતું. પીએમ મોદીએ સ્પષ્ટ કર્યું કે આ યુદ્ધ હવે માત્ર બે દેશો પૂરતું મર્યાદિત રહ્યું નથી, પરંતુ તેનાથી આંતરરાષ્ટ્રીય વેપાર માર્ગો અને ભારતની ઉર્જા સુરક્ષા જોખમમાં મુકાઈ છે. તેમણે ભારપૂર્વક જણાવ્યું કે, આપણે સાવધ, સતર્ક અને તૈયાર રહેવું પડશે, કારણ કે પેટ્રોલ, ડીઝલ અને ખાતર જેવા આવશ્યક ચીજવસ્તુઓના પુરવઠા પર આ યુદ્ધની માઠી અસર પડી શકે છે.
વડાપ્રધાને હોર્મુઝ સ્ટ્રેટમાં ચાલી રહેલી નાકાબંધી અને ત્યાં ફસાયેલા ભારતીય ક્રૂ સભ્યો પ્રત્યે ઊંડી ચિંતા વ્યક્ત કરી હતી. તેમણે આંતરરાષ્ટ્રીય જળમાર્ગોમાં વાણિજ્યિક જહાજો પર થતા હુમલાઓને અસ્વીકાર્ય ગણાવી તેની કડક નિંદા કરી હતી. ખાડી દેશોમાં વસતા અંદાજે એક કરોડ ભારતીયોની સુરક્ષા ભારતની સર્વોચ્ચ પ્રાથમિકતા હોવાનું જણાવતા પીએમએ ઉમેર્યું કે, તેઓ પોતે અમેરિકા, ઈરાન અને ઈઝરાયેલના રાષ્ટ્રપ્રમુખો સાથે સતત સંપર્કમાં છે. ભારતનું લક્ષ્ય માત્ર ભારતીયોને બચાવવાનું જ નહીં, પરંતુ મુત્સદ્દીગીરી દ્વારા આ ક્ષેત્રમાં યુદ્ધવિરામ કરાવી કાયમી શાંતિ સ્થાપિત કરવાનું છે.
ઉર્જા સંકટના મુદ્દે વડાપ્રધાને દેશવાસીઓને આશ્વાસન આપતા કહ્યું કે ભારત પાસે ક્રૂડ ઓઈલનો પર્યાપ્ત સ્ટોક ઉપલબ્ધ છે, તેથી ગભરાવાની જરૂર નથી. સરકાર હવે સપ્લાય ચેઈનને વધુ મજબૂત બનાવી રહી છે અને ઈંધણ માટે કોઈ એક દેશ પર નિર્ભર રહેવાને બદલે વૈકલ્પિકસ્ત્રોતો પર ઝડપથી કામ કરી રહી છે. ખાસ કરીને રાંધણ ગેસ માટે LPGના બદલે PNG ના નેટવર્કને દેશવ્યાપી બનાવવા પર ભાર મૂકવામાં આવ્યો છે. પીએમએ જણાવ્યું કે કોઈપણ કટોકટી આપણી હિંમત અને પ્રયત્ન બંનેની કસોટી કરે છે, અને ભારત આ વૈશ્વિક અસ્થિરતા સામે લડવા માટે સંપૂર્ણ રીતે સજ્જ છે. ખાડી દેશોમાં વસતા અંદાજે એક કરોડ ભારતીયોની સલામતી ભારતની સર્વોચ્ચ પ્રાથમિકતા છે, તેવું જણાવતા મોદીએ ઉમેર્યું કે તેઓ સતત અમેરિકા, ઈરાન અને ઈઝરાયેલના રાષ્ટ્રપ્રમુખો સાથે સંપર્કમાં છે. ભારત સરકારનું લક્ષ્ય માત્ર ભારતીયોને બચાવવાનું જ નહીં, પરંતુ રાજદ્વારી મંત્રણા દ્વારા આ ક્ષેત્રમાં યુદ્ધવિરામ કરાવી શાંતિ પુનઃસ્થાપિત કરવાનું પણ છે.
છેલ્લે, વડાપ્રધાને સંસદના માધ્યમથી સમગ્ર દેશને એકજૂથ થવા અપીલ કરી હતી. તેમણે રાજ્ય સરકારોને પણ આહવાન કર્યું કે જો યુદ્ધને કારણે સ્થળાંતરિત કામદારો પર કોઈ આર્થિક કે સામાજિક અસર પડે, તો તેમના માટે અત્યારથી જ આકસ્મિક સહાય યોજનાઓ તૈયાર રાખવામાં આવે. ભારત અત્યારે રક્ષણાત્મક અને રાજદ્વારી એમ બંને મોરચે સક્રિય ભૂમિકા ભજવી રહ્યું છે, જેથી વૈશ્વિક અર્થતંત્રમાં સર્જાનારા સંભવિત ભૂકંપથી સામાન્ય ભારતીય નાગરિકના ખિસ્સા પર બોજ ન વધે.
પીએમ મોદીએ કહ્યું કે, આ યુદ્ધ માત્ર બે દેશો વચ્ચે નથી, પરંતુ તેનાથી ભારત સહિત સમગ્ર વિશ્વના વેપાર માર્ગો જોખમમાં મુકાયા છે. પીએમ મોદીએ દેશવાસીઓને આશ્વાસન આપતા અને દુનિયાને ચેતવતા જણાવ્યું કે, આપણે સાવધ, સતર્ક અને તૈયાર રહેવું પડશે. તેમણે સ્પષ્ટ કર્યું કે ભારત અણધાર્યા પડકારોનો સામનો કરી રહ્યું છે, ખાસ કરીને પેટ્રોલ, ડીઝલ અને ખાતરના પુરવઠામાં અવરોધ ઊભો થવાની ભીતિ છે, જેની સીધી અસર સામાન્ય જનતા પર પડી શકે છે.
(3:34 PM IST)
