લગ્ન કે જન્મદિવસે હવે મ્યુચ્યુઅલ ફંડ ગિફટ કાર્ડ
બજાર નિયમનકાર સેબીએ મંગળવારે મ્યુચ્યુઅલ ફંડ રોકાણ માટે ગિફટ કાર્ડ અથવા ગિફટ PPI રજૂ કરવાનો પ્રસ્તાવ મૂક્યો : લીમીટ હશે રૂા. ૫૦,૦૦૦ની
નવી દિલ્હી તા.૨૫: સેબીએ મંગળવારે મ્યુચ્યુઅલ ફંડ રોકાણ માટે ગિફટ કાર્ડ અથવા ગિફટ પ્રીપેડ પેમેન્ટ ઇન્સ્ટ્રુમેન્ટ્સ (PPI) રજૂ કરવાનો પ્રસ્તાવ મૂક્યો છે. આનો ઉદ્દેશ્ય આ ક્ષેત્રમાં નવા રોકાણકારોને આકર્ષિત કરીને નાણાકીય સમાવેશને પ્રોત્સાહન આપવાનો છે. જો આ નિયમો લાગુ કરવામાં આવે છે, તો તમે મિત્ર અથવા સંબંધીને મ્યુચ્યુઅલ ફંડ ભેટ આપી શકશો.
સેબીએ તેના કન્સલ્ટેશન પેપરમાં જણાવ્યું હતું કે આ દરખાસ્ત હેઠળ, ગિફટ PPI ખરીદનાર વ્યક્તિ આ પ્રીપેડ પેમેન્ટ ઇન્સ્ટ્રુમેન્ટ બીજા વ્યક્તિને ભેટમાં આપી શકે છે. તે વ્યક્તિ પછી મ્યુચ્યુઅલ ફંડ યુનિટ્સ ખરીદવા માટે આ ઇન્સ્ટ્રુમેન્ટનો ઉપયોગ કરી શકે છે. સેબીએ ૧૪ એપ્રિલ સુધી આ દરખાસ્તો પર જાહેર ટિપ્પણીઓ માંગી છે.
આ PPI ફક્ત ઇલેક્ટ્રોનિક બેંક ટ્રાન્સફર અથવા UPI દ્વારા ભારતીય બેંક ખાતામાંથી ભંડોળ પૂરું પાડવામાં આવશે.
તેમની માન્યતા જારી થયાની તારીખથી એક વર્ષ માટે રહેશે.
ગિફટ પીપીઆઈ દ્વારા કરવામાં આવેલા રોકાણો માટે સેબીએ પ્રતિ નાણાકીય વર્ષ દીઠ રોકાણકાર રૂા.૫૦,૦૦૦ ની મર્યાદા નક્કી કરવાની ભલામણ કરી છે.
આરટીએ, એએમસી વતી, દરેક રોકાણકારે ગિફટ પીપીઆઈ, ઈ-વોલેટ અને રોકડ દ્વારા દરેક નાણાકીય વર્ષમાં દરેક એએમસીમાં રોકાણ કરેલી રકમનો ટ્રેક રાખશે. જો ગિફટ પીપીઆઈ રિડેમ્પશન ટ્રાન્ઝેક્શન રૂા.૫૦,૦૦૦ થી વધુ હોય, તો આરટીએ ટ્રાન્ઝેક્શન રદ કરશે અને પીપીઆઈની ફેસ વેલ્યુ ઇશ્યુઅરના એસ્ક્રો એકાઉન્ટમાં પરત કરશે.
પરંપરાગત રીતે, રિટેલ ખરીદી માટે ગિફટ કાર્ડ્સ અને પ્રીપેડ સોલ્યુશન્સનો ઉપયોગ કરવામાં આવ્યો છે. સમય જતાં, ડિજિટલ પેમેન્ટ્સે લોકપ્રિયતા મેળવી છે, જે તાત્કાલિક ડિલિવરી અને વધુ સારી સુરક્ષા પ્રદાન કરે છે.
આ કન્સલ્ટેશન પેપર સેબીને મ્યુચ્યુઅલ ફંડ યુનિટ્સમાં રોકાણ માટે ગિફટ પીપીઆઈના માધ્યમ તરીકે ઉપયોગ કરવાની મંજૂરી આપવાનો પ્રસ્તાવ મળ્યા પછી આવ્યું છે.
(10:02 AM IST)
છેલ્લા 8 દિવસમાં સૌથી લોકપ્રિય 
