કિવ, તા.૨૫: રશિયાએ યુક્રેન પર અત્‍યાર સુધીનો સૌથી મોટો અને આક્રમક હવાઈ હુમલો કરીને યુદ્ધની ભયાનકતામાં વધારો કર્યો છે. ઈરાની બનાવટના ૪૦૦ શાહિદ ડ્રોન અને ૨૩ ક્રુઝ મિસાઇલો સાથે રશિયન દળોએ કિવ, લ્‍વિવ અને ડિનિ-ો સહિતના સાત મુખ્‍ય શહેરોને નિશાન બનાવ્‍યા હતા. આ હુમલામાં ૬ નિર્દોષ નાગરિકોના મોત થયા છે અને ૪૬થી વધુ લોકો લોહીલુહાણ થયા છે. રશિયાએ જાણીજોઈને રહેણાંક વિસ્‍તારો અને નાગરિક સુવિધાઓ પર હુમલો કર્યો, જેમાં ઈવાનો-ફ્રેન્‍કિવસ્‍કની એક પ્રસૂતિ હોસ્‍પિટલને ગંભીર નુકસાન પહોંચ્‍યું હતું, જ્‍યાં નવજાત શિશુઓ અને માતાઓના જીવ જોખમમાં મુકાયા હતા.

વિનાશની આ જ્‍વાળાઓ માત્ર ઇમારતો સુધી મર્યાદિત ન રહી, પરંતુ યુક્રેનની સાંસ્‍કળતિક ધરોહરને પણ રાખ કરી દીધી છે. પﾍમિી શહેર લ્‍વિવમાં આવેલું ૧૭મી સદીનું જગવિખ્‍યાત સેન્‍ટ એન્‍ડ્રુ ચર્ચ, જે યુનેસ્‍કોની વર્લ્‍ડ હેરિટેજ સાઇટમાં સ્‍થાન પામે છે, તે આ હુમલામાં આગની લપેટમાં આવી ગયું હતું. ઇતિહાસકારો અને યુક્રેનિયન નાગરિકો માટે આ આઘાતજનક ઘટના છે, કારણ કે રશિયા હવે યુક્રેનના અસ્‍તિત્‍વની સાથે તેની પ્રાચીન ઓળખને પણ મિટાવવાનો પ્રયાસ કરી રહ્યું હોય તેવું જણાય છે. ડિનિપ્રોમાં થયેલા હુમલામાં ત્રણ માસૂમ બાળકો ઘાયલ થયા હોવાના અહેવાલે માનવતાને હચમચાવી દીધી છે.

આ ભીષણ હુમલાઓ વચ્‍ચે યુક્રેનિયન સૈન્‍યએ અદભૂત શૌર્ય અને અત્‍યાધુનિક ડ્રોન ટેકનોલોજીનો પરિચય આપ્‍યો છે. જનરલ ઓલેક્‍ઝાન્‍ડર સિર્સ્‍કીના નેતળત્‍વ હેઠળ, યુક્રેને ૧,૨૫૦ કિમી લાંબી ફ્રન્‍ટલાઈન પર રશિયન આક્રમણને ખાળવા માટે વધારાની કુમક તૈનાત કરી છે. સૈનિકોની અછત હોવા છતાં, યુક્રેને સ્‍વદેશી લાંબા અંતરના ડ્રોન વડે રશિયન પ્રદેશમાં વળતો પ્રહાર કર્યો છે અને ૫૫થી વધુ દુશ્‍મન ડ્રોનને હવામાં જ ફૂંકી માર્યા છે. યુક્રેને હવે આ ગોર્ડિયન ટેકનોલોજી વિશ્વના અન્‍ય દેશો સાથે શેર કરવાની પણ તૈયારી બતાવી છે, જે દર્શાવે છે કે રશિયાના દબાણ છતાં યુક્રેન હજુ ઝૂકવા તૈયાર નથી.