ખાડીની કટોકટીમાં વડાપ્રધાનની મુખ્ય મધ્યસ્થી તરીકેની સકારાત્મક ભૂમિકાને અમેરિકા દ્વારા ખુલ્લા દિલથી સમર્થન
ટ્રમ્પ સાથેની વ્યાપક મંત્રણા બાદ અમેરિકી દૂત સેર્ગીયો ગોરે શાંતિ પ્રક્રિયામાં પીએમ મોદીના નેતૃત્વ અને તેમના વિશેષ પ્રભાવની ભારે પ્રશંસા કરી
મનીકંટ્રોલ અને અન્ય આંતરરાષ્ટ્રીય સમાચાર માધ્યમોના અહેવાલો અનુસાર, ઇરાન અને ઇઝરાયેલ વચ્ચેના ઘાતક યુદ્ધને રોકવા માટે ભારત હવે એક વૈશ્વિક શાંતિદૂત તરીકે ઊભરી રહ્યું છે. અમેરિકાએ સત્તાવાર રીતે પﾍમિ એશિયાની આ ગંભીર કટોકટીમાં વડાપ્રધાન નરેન્દ્ર મોદીની મધ્યસ્થી તરીકેની ભૂમિકાને આવકારી છે.
તાજેતરમાં જ અમેરિકી રાષ્ટ્રપતિ ડોનાલ્ડ ટ્રમ્પના ખાસ દૂત સેર્ગીયો ગોરે એક નિવેદનમાં પીએમ મોદીની વૈશ્વિક નેતા તરીકેની ક્ષમતા અને આરબ દેશો તેમજ ઇઝરાયેલ બંને સાથેના ભારતના સંતુલિત અને મૈત્રીપૂર્ણ સંબંધોની પ્રશંસા કરી હતી. અમેરિકાનું માનવું છે કે માત્ર ભારત જ એવો દેશ છે જે બંને પક્ષોને વાટાઘાટોના ટેબલ પર લાવી શકે છે.
આંતરરાષ્ટ્રીય કૂટનીતિમાં આ ઘટનાને ભારતની વધતી જતી તાકાત અને મહત્વના પ્રતીક તરીકે જોવામાં આવે છે. મોદીના હસ્તક્ષેપથી આગામી દિવસોમાં મધ્ય પૂર્વમાં શાંતિ સ્થપાય તેવી પ્રબળ આશાઓ સેવાઈ રહી છે. અત્યાર સુધી વૈશ્વિક પટલ પર અમેરિકા કે યુરોપિયન દેશો જ આવી કટોકટીમાં મધ્યસ્થી કરતા આવ્યા છે, પરંતુ હવે ભારતનો આ ઉદય એક નવા વૈશ્વિક સંતુલનનો સંકેત આપે છે.
ભારતે ભૂતકાળમાં પણ રશિયા અને યુક્રેન વચ્ચેના યુદ્ધમાં પણ શાંતિનો સંદેશ આપ્યો હતો. ઇરાન સાથેના ભારતના ઐતિહાસિક સંબંધો અને ઇઝરાયેલ સાથેની ગાઢ વ્યૂહાત્મક ભાગીદારીને કારણે પીએમ મોદી બંને પક્ષોનો વિશ્વાસ જીતવામાં સફળ રહ્યા છે.
(3:32 PM IST)
છેલ્લા 8 દિવસમાં સૌથી લોકપ્રિય 
