લંડન,તા.૨૬: સીએનએન ન્‍યૂઝ૧૮ અને અન્‍ય સત્તાવાર ડિજિટલ માધ્‍યમોના અહેવાલ અનુસાર, પંજાબ નેશનલ બેંક (પીએનબી) ના અંદાજે ૧૩,૦૦૦ કરોડ રૂપિયાના મહાકૌભાંડના મુખ્‍ય આરોપી અને ભાગેડુ હીરાના વેપારી નીરવ મોદીને બ્રિટનની અદાલતમાંથી બહુ મોટો ઝટકો લાગ્‍યો છે. લંડનની હાઈકોર્ટે નીરવ મોદીને ભારત પ્રત્‍યાર્પણ કરવાના આદેશ સામે ફરીથી કાર્યવાહી શરૂ કરવાની તેની અરજીને ફગાવી દીધી છે. આ નિર્ણયથી તેને ભારત લાવવાનો રસ્‍તો લગભગ સાફ થઈ ગયો છે.

લંડનની હાઈકોર્ટ ઓફ જાસ્‍ટિસ (કિગ્‍સ બેન્‍ચ ડિવિઝન) માં આ મામલાની સુનાવણી થઈ હતી. અદાલતે ચુકાદો આપતા સ્‍પષ્ટ નોંધ્‍યું હતું કે નીરવ મોદીની અરજીમાં એવા કોઈ અપવાદરૂપ સંજોગો નથી કે જેના આધારે અગાઉના પ્રત્‍યાર્પણના આદેશ પર પુનર્વિચાર કરી શકાય. નીરવ મોદીના વકીલોએ 'ભંડારી જજમેન્‍ટ' નો હવાલો આપીને ભારતીય જેલોની સ્‍થિતિ અને ત્‍યાં સંભવિત ખરાબ વર્તન અંગે ચિતા વ્‍યક્‍ત કરી હતી, પરંતુ બ્રિટિશ અદાલતે આ દલીલોને અપર્યાપ્ત અને પાયાવિહોણી માનીને નકારી કાઢી હતી.

ભારત સરકાર તરફથી સેન્‍ટ્રલ બ્‍યુરો ઓફ ઈન્‍વેસ્‍ટિગેશન (સીબીઆઈ) ની એક ખાસ ટીમ સુનાવણી માટે લંડન પહોંચી હતી. ક્રાઉન પ્રોસિક્‍યુશન સર્વિસના વકીલોએ સીબીઆઈ અધિકારીઓની મદદથી નીરવ મોદીની અરજીનો સખત વિરોધ કર્યો હતો.

ભારતીય એજન્‍સીઓના સંકલિત અને સતત પ્રયાસોને કારણે અદાલતે સ્‍વીકાર્યું કે ભારત સરકારે નીરવ મોદીના માનવાધિકાર અને સુરક્ષા માટે જે ખાતરી આપી છે તે સંપૂર્ણપણે યોગ્‍ય અને માન્‍ય છે.

નીરવ મોદી અને તેના મામા મેહુલ ચોક્‍સી પર પંજાબ નેશનલ બેંક સાથે બનાવટી લેટર્સ ઓફ અંડરટેકિગ (એલઓયુ) નો ઉપયોગ કરીને ૧૩,૦૦૦ કરોડ રૂપિયાથી વધુની છેતરપિડી કરવાનો આરોપ છે. કૌભાંડનો પર્દાફાશ થાય તે પહેલાં જ જાન્‍યુઆરી ૨૦૧૮ માં તે ભારતમાંથી ભાગી ગયો હતો. માર્ચ ૨૦૧૯ માં લંડનમાં તેની ધરપકડ કરવામાં આવી હતી અને ત્‍યારથી તે બ્રિટનની જેલમાં બંધ છે.

અગાઉ યુકેની અદાલતોએ પણ તેના પ્રત્‍યાર્પણની તરફેણમાં ચુકાદો આપ્‍યો હતો અને તેની જામીન અરજીઓ પણ અનેકવાર ફગાવી દેવામાં આવી છે. આ તાજેતરના ચુકાદાથી નીરવ મોદી પાસે બ્રિટનમાં બચવાના કાનૂની વિકલ્‍પો લગભગ પૂરા થઈ ગયા છે.

ભારતીય તપાસ એજન્‍સીઓ માટે આ એક ઐતિહાસિક અને મોટી સફળતા માનવામાં આવે છે, અને હવે તેને જલ્‍દી જ ભારતના કાયદા સમક્ષ ઊભો કરવામાં આવે તેવી પ્રબળ શક્‍યતાઓ છે.