નવી દિલ્‍હી,તા.૨૭: ઑર્થોડોન્‍ટિક જર્નલમાં અચંબિત કરી દે એવો એક કેસ છપાયો છે. એમાં ૧૧ વર્ષની એક છોકરીના મોંમાં એટલાબધા દાંત છે કે ડેન્‍ટિસ્‍ટ ગણતાં-ગણતાં થાકી જાય. યસ, અમુક દાંત બહાર આવી ચૂકેલા હતા અને અમુક દાંત પેઢાંની અંદરથી બહાર નીકળવા માટે મથી રહ્યા હતા. આ ઘટનાની જાણ ડોક્‍ટરોને ત્‍યારે થઈ જ્‍યારે તેનાં જડબાંનો એક્‍સ-રે કરવામાં આવ્‍યો. રેડિયોગ્રાફ રિપોર્ટમાં મોંમાં ત્રણ પ્રકારના દાંત જોવા મળ્‍યા. હજી છોકરી ૧૧ વર્ષની જ હોવાથી તેના તમામ દૂધિયા દાંત પડ્‍યા નહોતા. તેના મોંમાં ૧૮ દૂધિયા દાંત હતા. એ હજી પડ્‍યા નહોતા. એમ છતાં ૩૨ કાયમી દાંત ઊગી ગયા હતા. આ ઉપરાંત એની સાઇડના ભાગમાં બીજા વધારાના ૩૧ દાંત પણ દેખાઈ રહ્યા હતા જે કેટલાક વિકસિત હતા તો કેટલાક અવિકસિત. જિનેટિક ટેસ્‍ટિંગ કરતાં ખબર પડી કે છોકરીના ૯ નંબરના ક્રોમોઝોમમાં બદલાવ હતો. જોકે એને કારણે કોઈ સિન્‍ડ્રોમ કે રોગ નહોતો. હાઇપરડોન્‍ટિયાનો આવો કેસ ડોક્‍ટરોએ ભાગ્‍યે જ જોયો હતો.

છોકરીનું મોં બરાબર ખૂલી શકે અને તેની ચાવવાની ક્ષમતા તેમ જ સ્‍માઇલ નોર્મલ થાય એ માટે સર્જ્‍યનો અને ઑર્થોડોન્‍ટિસ્‍ટ સ્‍પેશ્‍યલિસ્‍ટોની ટીમે મળીને તેના મોંમાંથી વધારાના દાંત દૂર કરવાની પ્રક્રિયા હાથ ધરી હતી.