મુંબઈ તા.૨૭: મધ્‍ય પૂર્વમાં ચાલી રહેલા સંઘર્ષને કારણે સપ્‍લાય ચેઇન વિક્ષેપોને કારણે ભારતના યુરિયા અને જાટિલ ખાતરોના વાર્ષિક સ્‍થાનિક ઉત્‍પાદનમાં ૧૦-૧૫ ટકાનો ઘટાડો થવાની સંભાવના છે, એમ ક્રિસિલ રેટિગ્‍સના અહેવાલમાં જણાવાયું હતું.

મધ્‍ય પૂર્વમાં ચાલી રહેલા મુદ્દાઓ ખરીફ સિઝન માટે નિર્ણાયક સમયે ખાતર સપ્‍લાય ચેઇનને વિક્ષેપિત કરી શકે છે. લગભગ ત્રણ મહિના સુધી એલએનજી અને એમોનિયા સપ્‍લાયમાં વિક્ષેપ ચાલુ રહેવાથી સ્‍થાનિક યુરિયા અને જાટિલ ખાતરના ઉત્‍પાદનમાં ૧૦-૧૫ ટકાનો ઘટાડો થઈ શકે છે, એવુ ક્રિસિલ રેટિગ્‍સના ડિરેક્‍ટર આનંદ કુલકર્ણીએ જણાવ્‍યું હતું.

જોકે, યુરિયા ઉત્‍પાદકોને ૭૦ ટકા ગેસ ફાળવવાના તાજેતરના સરકારી નિર્દેશથી ઉત્‍પાદન પરની અસર અમુક અંશે ઓછી થશે. તેમણે ઉમેર્યું હતું કે વૈકલ્‍પિકસ્ત્રોતોમાંથી અપેક્ષિત આયાત સાથે, લગભગ ત્રણ મહિનાની ખાતર ઇન્‍વેન્‍ટરી, તાત્‍કાલિક પુરવઠાની અછતનું જોખમ ઘટાડશે.

ક્રિસિલ રેટિગ્‍સે જણાવ્‍યું હતું કે કાચા માલ અને આયાતી ખાતરોના ભાવમાં વધારાથી વપરાશકારોની કાર્યકારી મૂડીની જરૂરિયાતોમાં વધારો થવાની શક્‍યતા છે અને સરકારના સબસિડી બિલમાં પણ ૨૦,૦૦૦-૨૫,૦૦૦ કરોડ રૂપિયાનો વધારો થવાની શક્‍યતા છે. ભારતમાં ખાતરના વપરાશમાં યુરિયાનો હિસ્‍સો ૪૫ ટકા છે, બાકીના માટે જાટિલ ખાતરોનો ઉપયોગ થાય છે.

ક્રિસિલ રેટિગ્‍સે જણાવ્‍યું હતું કે ક્ષમતાના ઉપયોગમાં ઘટાડો નફાકારકતાને અસર કરે તેવી શક્‍યતા છે. એક ક્‍વાર્ટરમાં વધેલા ઇનપુટ ખર્ચ અને આયાતી ખાતરના ભાવને કારણે, નાણાકીય વર્ષ ૨૭ માટે રૂા. ૧.૭૧ લાખ કરોડના પ્રારંભિક અંદાજ કરતાં એકંદર સબસિડી બજેટમાં ૧૨-૧૫ ટકાનો વધારો થવાની શક્‍યતા છે