ચીનની યુ જિયાનક્સિયા વિશ્વની સૌથી લાંબી પાંપણ ધરાવવાનો રેકોર્ડ ધરાવે છે.તેની સૌથી લાંબી પાંપણ 20.5 સેન્ટિમીટર છે. જો કે, તેણે અગાઉ 2016 માં પણ સૌથી લાંબી પાંપણ ધરાવવાનો રેકોર્ડ પોતાના નામે કર્યો હતો, જ્યારે તેની પાંપણ 12.4 સેન્ટિમીટર લાંબી હતી, જે તેની ડાબી આંખની ઉપરની પોપચા પર હતી. 

   યુ જિયાનક્સિયાના જણાવ્યા મુજબ, સમય જતાં તેની પાંપણની લંબાઈ વધી છે. અંતે, 20 મે, 2021 ના રોજ, પુષ્ટિ થઈ કે, તેની સૌથી લાંબી પાંપણ 20.5 સેન્ટિમીટર સુધી પહોંચી ગઈ છે. યુ જિયાનક્સિયાની બધી પાંપણ સામાન્ય કરતાં લાંબી છે, પરંતુ સૌથી લાંબી પાંપણ ફરીથી તેની ડાબી આંખની ઉપરની પોપચા પર મળી આવી હતી. યુ જિયાનક્સિયાએ સમજાવ્યું કે, તેણે પહેલી વાર 2015 માં તેની પાંપણ વધતી જતી હોવાનું શોધી કાઢ્યું હતું. તે ધીમે ધીમે વધતી ગઈ અને લાંબી થઈ.

   ડોકટરોને તેની પાંપણોની લંબાઈ અંગેનું રહસ્ય જાણવા માટે તપાસ પણ કરાવી હતી, પરંતુ તેઓ કોઈ વૈજ્ઞાનિક સમજૂતી આપી શક્યા નહીં. તેઓએ તેને "અદ્ભુત" ગણાવી હતી. તેઓએ નક્કી કરવાનો પ્રયાસ કર્યો કે, કારણ આનુવંશિક છે કે નહીં, પરંતુ તેના પરિવારમાં બીજા કોઈની પાસે આટલી લાંબી પાંપણો નહોતી. યુ જિયાનક્સિયા માને છે કે, તેની લાંબી પાંપણો કોઈ દૈવી ચમત્કારને કારણે છે, કોઈ વૈજ્ઞાનિક કારણોસર નહીં.