છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
કુવૈતઃ ઈરાની હુમલામાં ભારતીય કર્મચારીનું મોત
પાવર અને વોટર પ્લાન્ટને પણ નોંધપાત્ર નુકસાન
નવી દિલ્હી તા.૩૦: ઈરાને કુવૈતના પાવર અને વોટર ડિસેલિનેશન પ્લાન્ટના પરિસરમાં સ્થિત એક સર્વિસ બિલ્ડિંગ પર હુમલો કર્યો. આ હુમલામાં ત્યાં કામ કરતા એક ભારતીય કર્મચારીનું મોત થયું. કુવૈતના વીજળી અને પાણી મંત્રાલયે સોમવારે વહેલી સવારે આ વાતની પુષ્ટિ કરી.
કુવૈતના વીજળી, પાણી અને નવીનીકરણીય ઉર્જા મંત્રાલયે અહેવાલ આપ્યો કે રવિવાર, ૨૯ માર્ચ, ૨૦૨૬ ના રોજ સાંજે એક સર્વિસ બિલ્ડિંગ પર હુમલો કરવામાં આવ્યો હતો. મંત્રાલયના પ્રવક્તા એન્જાિનિયર ફાતિમા અબ્બાસ જવાહર હયાતે પુષ્ટિ આપી કે ઈરાની હુમલાને કારણે સર્વિસ બિલ્ડિંગને નોંધપાત્ર નુકસાન થયું છે.
મંત્રાલયે સોશિયલ મીડિયા પ્લેટફોર્મ X પર જારી કરેલા એક નિવેદનમાં ભારતીય કર્મચારીના મૃત્યુ પર શોક વ્યક્ત કર્યો. મૃતક કર્મચારીની ઓળખ હજુ સુધી જાહેર કરવામાં આવી નથી.
હુમલા પછી તાત્કાલિક સુરક્ષા ટીમોએ કામગીરી શરૂ કરી દીધી. મંત્રાલયે જણાવ્યું હતું કે અસરગ્રસ્ત વિસ્તારોને સુરક્ષિત કરવા માટે સુરક્ષા અધિકારીઓ સાથે સંકલન ચાલુ છે. મંત્રાલયે જનતાને શાંત રહેવા અને અફવાઓને અવગણવા અપીલ કરી છે.
કુવૈત સરકારે ખાતરી આપી છે કે વીજળી અને પાણી પ્રણાલીઓની સુરક્ષા અને સ્થિરતા તેમના માટે ખૂબ જ મહત્વપૂર્ણ છે. સેવાઓ ખોરવાઈ ન જાય અને દેશની આવશ્યક સુવિધાઓ કાર્યરત રહે તે સુનિﾍતિ કરવા માટે તમામ તકનીકી ટીમો ચોવીસ કલાક કામ કરી રહી છે.
આ પહેલા, અબુ ધાબીમાં એક અવરોધિત ઈરાની બેલિસ્ટિક મિસાઈલના કાટમાળને કારણે ત્રણ સ્થળોએ આગ લાગી હતી. આ ઘટના દરમિયાન છ લોકો ઘાયલ થયા હતા, જેમાં પાંચ ભારતીય નાગરિકોનો સમાવેશ થાય છે.
(10:09 AM IST)
