ઇસ્લામાબાદ: પશ્ચિમ એશિયામાં ચાલી રહેલા તણાવને હળવો કરવા અને શાંતિ સ્થાપવા માટે પાકિસ્તાનની મધ્યસ્થીથી અમેરિકા અને ઈરાન વચ્ચે ૧૧ એપ્રિલના રોજ સીધી વાટાઘાટો યોજાવા જઈ રહી છે.

વૈશ્વિક શાંતિ માટે એક મહત્વપૂર્ણ ઘટનાક્રમમાં પાકિસ્તાન આવતીકાલે એટલે કે ૧૧ એપ્રિલના રોજ અમેરિકા અને ઈરાન વચ્ચે એક અત્યંત મહત્વપૂર્ણ બેઠકનું આયોજન કરવા જઈ રહ્યું છે. આ વાટાઘાટોમાં ભાગ લેવા માટે બંને દેશોની વિશેષ ટીમો આજે જ પાકિસ્તાન પહોંચી જશે. 

આ બેઠકનો મુખ્ય ઉદ્દેશ્ય બંને દેશો વચ્ચે હાલમાં ચાલી રહેલા યુદ્ધવિરામના પ્રયાસોને વધુ મજબૂત અને નક્કર બનાવવાનો છે. આ ઉપરાંત, પશ્ચિમ એશિયામાં લાંબા સમયથી ચાલી રહેલા તણાવ અને યુદ્ધની સ્થિતિને ઘટાડવા માટે બંને પક્ષો દ્વારા રણનીતિ પર વિસ્તૃત ચર્ચા કરવામાં આવશે.*