મુંબઈ,તા.૧૩: આજે, સોમવાર, ૧૩ એપ્રિલ, સેન્‍સેક્‍સ ૭૫૦ પોઈન્‍ટ (૧%) ઘટીને ૭૬,૮૦૦ પર ટ્રેડ થઈ રહ્યો છે. નિફટી પણ ૨૨૦ પોઈન્‍ટ (૦.૯૨%) ઘટીને ૨૩,૮૩૦ પર પહોંચી ગયો છે. મીડિયા શેરોમાં સૌથી વધુ ખરીદી થઈ છે, જ્‍યારે ઓટો શેરોમાં સૌથી વધુ વેચાણ થયું છે.પાકિસ્‍તાનમાં ઈરાન અને અમેરિકા વચ્‍ચે ૨૧ કલાક લાંબી વાટાઘાટો કોઈ સોદા વિના સમાપ્ત થઈ. અમેરિકાના ઉપપ્રમુખ જેડી વાન્‍સે કહ્યું કે તેઓ કોઈ સોદા વિના પાછા ફરી રહ્યા છે. આની સીધી અસર વિશ્વભરના બજારો પર પડી રહી છે. ૨:૧૫ કલાકે સેન્‍સેક્‍સ ૬૭૨તો નીફટી ૧૭૬ પોઈન્‍ટ ડાઉન.

ઈરાન અને અમેરિકા વચ્‍ચેની વાતચીત નિષ્‍ફળ જવાને કારણે આજે સ્‍થાનિક બજારમાં તીવ્ર ઘટાડો જોવા મળ્‍યો. શરૂઆતના કારોબારમાં BSE સેન્‍સેક્‍સ ૧,૬૦૦ પોઈન્‍ટથી વધુ ઘટ્‍યો હતો, જ્‍યારે નેશનલ સ્‍ટોક એક્‍સચેન્‍જનો નિફટી ૫૦ ઇન્‍ડેક્‍સ ૪૦૦ પોઈન્‍ટથી વધુ ઘટ્‍યો હતો. સવારે ૯:૧૮ વાગ્‍યે, સેન્‍સેક્‍સ ૧૬૧૩.૦૯ પોઈન્‍ટ અથવા ૨.૦૮% ઘટીને ૭૫,૯૩૭.૧૬ પર ટ્રેડ થઈ રહ્યો હતો. નિફટી ૪૬૯.૬૫ પોઈન્‍ટ અથવા ૧.૯૫% ઘટીને ૨૩,૫૮૦.૯૫ પર બંધ થયો હતો. બજારોમાં ઉથલપાથલ દર્શાવતો ઇન્‍ડિયા VIX પણ ૧૩% વધીને ૨૧ થી ઉપર પહોંચી ગયો હતો.

બધા ૩૦ સેન્‍સેક્‍સ શેર ઘટ્‍યા. ઇન્‍ડિગો, એશિયન પેઇન્‍ટ્‍સ, બજાજ ફાઇનાન્‍સ, મારુતિ સુઝુકી અને બજાજ ફિનસર્વને સૌથી વધુ નુકસાન થયું. બધા ક્ષેત્રીય સૂચકાંકોમાં પણ ઘટાડો થયો. નિફટી PSU અને રિયલ્‍ટી ત્રણ ટકાથી વધુ ઘટ્‍યા. નિફટી ઓટો, બેંક, ફાઇનાન્‍શિયલ સર્વિસીસ, મીડિયા, કન્‍ઝ્‍યુમર ડ્‍યુરેબલ્‍સ અને ઓઇલ એન્‍ડ ગેસના શેર બે ટકાથી વધુ ઘટ્‍યા હતા.