અમેરિકા-ઈરાન વચ્ચે યુદ્ધ બાદ તણાવ ભરેલી સ્થિતિ બાદ વૈશ્વિક ક્રૂડ અને ઈંધણના ભાવમાં આવેલા વધારા બાદ આજે વાયદા બજારમાં સોનાની કિંમત 3947 રૂપિયા ઘટીને 1.55.600 રૂપિયા પ્રતિ 10 ગ્રામ પર આવી ગઈ છે. પશ્ચિમ એશિયામાં તણાવ, ક્રૂડ ઓઇલના ઊંચા ભાવ અને વ્યાજ દરો અંગેની અનિશ્ચિતતા વચ્ચે રોકાણકારોના સેન્ટિમેન્ટને અસર થતાં બજારમાં આ ઘટાડો નોંધાયો છે.

શુક્રવારે સોનાના ભાવમાં મોટો ઘટાડો જોવા મળ્યો હતો. વાયદા બજારમાં સોનું 3947 રૂપિયા તૂટીને 1.55.600 રૂપિયા પ્રતિ 10 ગ્રામ પર આવી ગયું. બજારના નિષ્ણાતોનું કહેવું છે કે ક્રૂડ ઓઈલની ઊંચી કિંમતો, પશ્ચિમ એશિયામાં ચાલી રહેલો તણાવ અને વ્યાજ દરો અંગેની અનિશ્ચિતતાએ રોકાણકારોના વલણને પ્રભાવિત કર્યું છે, જેના કારણે સોનાના ભાવ પર દબાણ જોવા મળ્યું છે.

મલ્ટી કોમોડિટી એક્સચેન્જ (MCX) પર ઓગસ્ટ ડિલિવરી વાળા સોનાનો કરાર ભાવ 3947 રૂપિયા એટલે કે આશરે ત્રણ ટકાના ઘટાડા સાથે 1,55.600 રૂપિયા પ્રતિ 10 ગ્રામ પર પહોંચી ગયો છે. આ દરમિયાન 8,346 લોટનો વેપાર નોંધાયો હતો.

વિશ્લેષકોના જણાવ્યા અનુસાર, તાજેતરના દિવસોમાં સોનાના ભાવમાં સતત તેજી જોવા મળી હતી, જેના કારણે રોકાણકારોએ પ્રોફિટ બુકિંગ (નફો વસૂલ) પણ કર્યું હતું. આની અસર વાયદા બજારમાં સ્પષ્ટપણે જોવા મળી રહી છે.

મળતી માહિતી અનુસાર, પશ્ચિમ એશિયામાં સતત બનેલા ભૌગોલિક-રાજકીય (જીઓ-પોલિટિકલ) તણાવે રોકાણકારોને સાવધ કરી દીધા છે. બજારની નજર એ વાત પર છે કે આ ઘટનાઓની મોંઘવારી અને વૈશ્વિક વ્યાજ દરો પર શું અસર પડી શકે છે. તેમણે ઉમેર્યું કે રોકાણકારો હાલમાં જોખમ લેવાનું ટાળી રહ્યા છે અને વૈશ્વિક આર્થિક સંકેતો પર નજર રાખી રહ્યા છે. આ જ કારણે સોનામાં વધઘટ વધી ગઈ છે.

નિષ્ણાતોના મતે, સુરક્ષિત રોકાણની માંગ જળવાઈ રહેવાને કારણે ડોલર ઈન્ડેક્સ 99.60ની આસપાસ રહ્યો હતો. સામાન્ય રીતે મજબૂત ડોલરની અસર સોનાના ભાવ પર પડે છે, કારણ કે તેનાથી અન્ય કરન્સીમાં સોનું મોંઘું થઈ જાય છે અને માંગ નબળી પડી શકે છે.

સ્થાનિક બજારની સાથે આંતરરાષ્ટ્રીય બજારમાં પણ સોનાના ભાવમાં ઘટાડો જોવા મળ્યો હતો. ન્યૂયોર્કના કોમેક્સ એક્સચેન્જમાં ઓગસ્ટ ડિલિવરી વાળું સોનું વાયદા 147 ડોલર એટલે કે 3.28 ટકા ઘટીને 4,325 ડોલર પ્રતિ ઔંસ પર ટ્રેડ કરતું જોવા મળ્યું હતું.

બજારના નિષ્ણાતોનું માનવું છે કે આગામી દિવસોમાં રોકાણકારોની નજર યુએસ વ્યાજ દરો, મોંઘવારીના આંકડા, ડોલરની ચાલ અને પશ્ચિમ એશિયાના ઘટનાક્રમ પર રહેશે. આ પરિબળોના આધારે સોનાના ભાવમાં આગળ પણ ઉતાર-ચઢાવ ચાલુ રહી શકે છે