મુંબઈ,તા.૬: ભારતીય ટેલિવિઝન અને મનોરંજન જગતમાં પોતાની આગવી ઓળખ બનાવનારી પ્રખ્‍યાત નિર્માતા અને ઉદ્યોગસાહસિક એકતા કપૂરે હવે લક્‍ઝરી જ્‍વેલરી ક્ષેત્રમાં પ્રવેશ કર્યો છે. એકતા કપૂરે Ekatra Jewels સાથે ભાગીદારી કરી છે, જે આધુનિક મહિલાઓ માટે ડિઝાઇન, ટેક્રોલોજી અને સસ્‍ટેનેબલ લક્‍ઝરીને એકસાથે લાવવાનો પ્રયાસ કરી રહી છે. આ ભાગીદારી માત્ર એક વ્‍યાવસાયિક સહયોગ નથી, પરંતુ મહિલાઓના નેતૃત્‍વ હેઠળ જ્‍વેલરી ઉદ્યોગમાં પરિવર્તન લાવવાની એક પહેલ તરીકે જોવામાં આવી રહી છે. વર્ષોથી પોતાની સીરિયલ્‍સ અને ફિલ્‍મો દ્વારા મજબૂત અને આત્‍મનિર્ભર મહિલાઓની કહાનીઓ રજૂ કરનાર એકતા કપૂર હવે એ જ વિચારધારાને જ્‍વેલરી બ્રાન્‍ડ સાથે આગળ વધારવા માગે છે.

એકતા કપૂરે જણાવ્‍યું હતું કે, મેં વર્ષો સુધી એવી મહિલાઓની કહાનીઓ રજૂ કરી છે જે પોતાનો માર્ગ જાતે પસંદ કરે છે અને સફળતાની નવી વ્‍યાખ્‍યા ઘડે છે. Ekatra સાથે જોડાવું એ મારા માટે એ જ વિચારધારાનો સ્‍વાભાવિક વિસ્‍તાર છે. આજની મહિલાઓ પોતાની ઓળખ અને વ્‍યક્‍તિત્‍વને જે રીતે વ્‍યક્‍ત કરે છે, તે માટે કંઈક અર્થપૂર્ણ અને આધુનિક બનાવવાનો અવસર મને ખૂબ ઉત્‍સાહિત કરે છે. તેમણે વધુમાં જણાવ્‍યું કે સુઝાન ખાન સાથે તેમની વર્ષો જૂની મિત્રતા છે અને બંને આધુનિક મહિલાઓના આત્‍મવિશ્વાસ, વ્‍યક્‍તિત્‍વ અને સપનાઓને પ્રતિબિબિત કરતી બ્રાન્‍ડ્‍સ બનાવવામાં વિશ્વાસ રાખે છે.

આ ભાગીદારી અંગે સુઝાન ખાને કહ્યું કે, ડિઝાઇન, નવીનતા અને આધુનિક મહિલાઓ માટે કંઈક વિશેષ સર્જવાની મારી ઇચ્‍છા Ekatra દ્વારા સાકાર થઈ રહી છે. અમે એવી લક્‍ઝરી જ્‍વેલરી બનાવવા માગીએ છીએ જે રોજિદા જીવનમાં પણ સરળતાથી પહેરી શકાય.

Ekatra Jewelsની ખાસિયત તેના ૧૦૦ ટકા IGI-સર્ટિફાઇડ લેબ-ગ્રોન ડાયમંડ્‍સ છે. તેમાં Type II-A શ્રેણીના ડાયમંડ્‍સનો સમાવેશ થાય છે, જે વિશ્વના સૌથી શુદ્ધ અને દુર્લભ હીરાઓમાં ગણાય છે.

બ્રાન્‍ડે પોતાની નવીન Shristi Ratna પેટન્‍ટેડ ડાયમંડ કટ પણ રજૂ કરી છે. સામાન્‍ય રીતે હીરામાં ૫૭ ફેસેટ્‍સ હોય છે, જ્‍યારે Shristi Ratnaમાં ૧૦૮ ફેસેટ્‍સ આપવામાં આવ્‍યા છે, જે હીરાની ચમક અને પ્રકાશના પ્રતિબિબને વધુ અસરકારક બનાવે છે. ભારતીય સંસ્‍કૃતિમાં ૧૦૮ આંકડાને વિશેષ મહત્‍વ હોવાથી આ ડિઝાઇનમાં આધ્‍યાત્‍મિકતા અને આધુનિક ટેક્રોલોજીનું અનોખું સંયોજન જોવા મળે છે.

આ સાથે Ekatra Jewels “Oh My Gold” નામનો નવો કલેક્‍શન પણ લોન્‍ચ કર્યો છે, જે સુઝાન ખાને સહ-ડિઝાઇન કર્યો છે. બ્રાન્‍ડના જણાવ્‍યા અનુસાર, ખાસ હોલો-કન્‍સ્‍ટ્રક્‍શન ટેક્રોલોજીનો ઉપયોગ કરીને બનાવવામાં આવેલી આ જ્‍વેલરી પરંપરાગત સોનાના દાગીનાઓ કરતાં ૮૦ ટકા સુધી હલકી છે, જેથી મહિલાઓ માટે તેને રોજિદા જીવનમાં પહેરવી વધુ સરળ બને છે. એકતા કપૂરની મહિલાઓ અંગેની ઊંડી સમજ અને Ekatra Jewelsની નવીન ટેક્રોલોજી તથા સસ્‍ટેનેબલ લક્‍ઝરીની લ્લષ્ટિ સાથે, કંપની માત્ર જ્‍વેલરી માર્કેટમાં પ્રવેશી રહી નથી, પરંતુ ભારતીય લક્‍ઝરી જ્‍વેલરી ક્ષેત્રને નવી દિશા આપવાનો પ્રયાસ કરી રહી છે. બ્રાન્‍ડનું માનવું છે કે ભારતીય લક્‍ઝરીનું ભવિષ્‍ય વધુ હળવું, સ્‍માર્ટ, પર્યાવરણ પ્રત્‍યે જવાબદાર અને મહિલાઓના નેતૃત્‍વવાળું બનશે.