સંભલ પછી મુરાદાબાદમાં બુલડોઝર કાર્યવાહી :તળાવની જમીન પર બનેલ મસ્જિદનો શૌચાલય તોડી પડાયું : માપણી બાદ કાર્યવાહી
મુરાદાબાદના ડિડોરી ગામમાં, વહીવટીતંત્રે સરકારી તળાવની જમીન પર અતિક્રમણ કરીને બનાવેલ મસ્જિદના શૌચાલયનો એક ભાગ તોડી પાડ્યો. વહીવટીતંત્રે સ્પષ્ટતા કરી કે અતિક્રમણ સામે કાર્યવાહી ચાલુ રહેશે.
વહીવટીતંત્રે મુરાદાબાદ સદર તાલુકામાં આવેલા ડિડોરી ગામમાં એક મસ્જિદનો એક ભાગ તોડી પાડ્યો હતો. આરોપ હતો કે મસ્જિદના સંચાલકોએ તળાવની જમીન પર અતિક્રમણ કરીને શૌચાલય બનાવ્યું હતું. ડીએમને માહિતી મળી હતી કે સદર તાલુકામાં આવેલા ડિડોરી ગામમાં પ્લોટ નંબર ૧૮૨, ૦.૨૨૩૦ હેક્ટર જમીન, રેવન્યુ રેકોર્ડમાં શ્રેણી ૬ (૧) હેઠળ તળાવ તરીકે નોંધાયેલી છે.
એવો આરોપ છે કે આ જમીનના એક ભાગ પર આશરે 200 ચોરસ મીટર વિસ્તારમાં એક કાયમી માળખું બનાવવામાં આવ્યું હતું, જે મસ્જિદના શૌચાલય તરીકે કામ કરતું હતું. એસડીએમ સદર અભય સિંહે જણાવ્યું હતું કે તેમના નેતૃત્વ હેઠળ એક મહેસૂલ ટીમની રચના કરવામાં આવી હતી. ટીમે ગુરુવારે જમીનની માપણી કરી.
શુક્રવારે, ટીમે મસ્જિદ સમિતિની હાજરીમાં ગેરકાયદેસર બાંધકામ તોડી પાડ્યું, પરંતુ મસ્જિદને કોઈ નુકસાન થયું ન હતું. ત્યાં એક શૌચાલય બનાવવામાં આવ્યું હોવાના અહેવાલ હતા. તોડી પાડ્યા બાદ, મહેસૂલ ટીમે ચેતવણી આપી હતી કે સરકારી જમીન પર ગેરકાયદેસર કબજો કોઈપણ સંજોગોમાં સહન કરવામાં આવશે નહીં
(1:56 PM IST)
છેલ્લા 8 દિવસમાં સૌથી લોકપ્રિય 
