નવી દિલ્‍હી, તા.૧૦: પશ્ચિમ બંગાળના રાજકારણમાંથી આ સમયના સૌથી મોટા સમાચાર સામે આવી રહ્યા છે. બંગાળમાં તળણમૂલ કોંગ્રેસના વિધાયક દળમાં ભંગાણ પડ્‍યા બાદ હવે સંસદીય દળમાં પણ મોટો બળવો કન્‍ફર્મ થયો છે. ચૂંટણી પ્રચાર દરમિયાન પોતાના વિવાદાસ્‍પદ કાબા અને મદીના વાળા ગીતથી ભારે ચર્ચામાં આવેલા જાદવપુરના ફાયરબ્રાન્‍ડ મહિલા સાંસદ સયાની ઘોષ સહિત ટીએમસીના ૨૦ સાંસદોએ બળવો પોકાર્યો છે.

આ તમામ સાંસદોએ લોકસભા સ્‍પીકર ઓમ બિરલાને પત્ર લખીને સંસદમાં પોતાના માટે અલગ બેઠક વ્‍યવસ્‍થા કરવાની માંગ કરી છે, જેમાં સયાની ઘોષે પણ હસ્‍તાક્ષર કર્યા છે. પક્ષના આ આંતરિક ભંગાણને મુખ્‍યમંત્રી મમતા બેનરજી અને અભિષેક બેનરજી માટે બહુ મોટો રાજકીય ઝટકો માનવામાં આવી રહ્યો છે.

બળવાખોર સાંસદોની યાદીમાં જેમનું નામ ચર્ચામાં છે તે સયાની ઘોષ પﾍમિ બંગાળના એક જાણીતા બંગાળી અભિનેત્રી અને ગાયિકા છે, જેઓ તળણમૂલ કોંગ્રેસની ટિકિટ પરથી ચૂંટણી જીતીને સાંસદ બન્‍યા છે. તેઓ હાલમાં પﾍમિ બંગાળની હાઈપ્રોફાઈલ ગણાતી જાદવપુર સંસદીય બેઠકનું લોકસભામાં પ્રતિનિધિત્‍વ કરી રહ્યા છે. તેઓ પોતાના તેજાબી ભાષણો અને વિવાદાસ્‍પદ નિવેદનોને કારણે બંગાળના રાજકારણમાં સતત ચર્ચાના કેન્‍દ્રમાં રહેતા આવ્‍યા છે.

પﾍમિ બંગાળ વિધાનસભા ચૂંટણીના પ્રચાર દરમિયાન સયાની ઘોષે ગાયેલા એક ગીતને કારણે ભૂતકાળમાં ભારે વિવાદ સર્જાયો હતો. આ ગીત મુદ્દે ભારતીય જનતા પાર્ટીના નેતાઓએ તળણમૂલ કોંગ્રેસના વડા મમતા બેનરજી પર આકરા પ્રહારો કર્યા હતા અને તેમના પર મુસ્‍લિમ તુષ્ટિકરણના ગંભીર આરોપો લગાવ્‍યા હતા.

આ ઉપરાંત, આમ આદમી પાર્ટી છોડીને ભાજપમાં સામેલ થયેલા નેતા રાઘવ ચઢ્ઢા પર પણ સયાની ઘોષે એક ચૂંટણી સભા દરમિયાન વ્‍યક્‍તિગત કટાક્ષ કર્યો હતો. તેમણે જાહેર મંચ પરથી વિવાદાસ્‍પદ શબ્‍દોનો પ્રયોગ કરીને ટિપ્‍પણી કરી હતી કે, હું પક્ષ પલટો કરીને પોતાની ઓળખ બદલનારા નેતા નથી અને હંમેશા પોતાની વિચારધારા પર જ કાયમ રહીશ. તેમના આ આકરા નિવેદન સામે તે સમયે ભાજપ દ્વારા સખત નારાજગી વ્‍યક્‍ત કરવામાં આવી હતી. હવે આ જ ફાયરબ્રાન્‍ડ મહિલા સાંસદે મમતા બેનરજી સામે બળવો પોકારતા બંગાળનું રાજકારણ ગરમાયું છે.