કોલકાતા: પશ્ચિમ બંગાળના સત્તાધારી પક્ષ તૃણમૂલ કોંગ્રેસમાં આંતરિક બળવાની આગ ભડકી ઉઠી છે. તાજેતરમાં જ ટીએમસીના ૧૯ જેટલા અસંતુષ્ટ અને બળવાખોર સાંસદોની એક ગુપ્ત યાદી લીક થઈ ગઈ છે, જેના કારણે રાજકીય માહોલ ગરમાયો છે. આશ્ચર્યની વાત એ છે કે આ બળવાખોર નેતાઓમાં બોલિવૂડના પૂર્વ અભિનેતા શત્રુઘ્ન સિન્હા, તેમજ ક્રિકેટરમાંથી રાજનેતા બનેલા યુસુફ પઠાણ જેવા દિગ્ગજ ચહેરાઓ પણ સામેલ છે. આ ઉપરાંત કાકોલી ઘોષ દસ્તીદાર, શતાબ્દી રોય અને સાયોની ઘોષના નામ પણ આ યાદીમાં હોવાથી પક્ષ હાઈકમાન્ડ ભારે દબાણમાં આવી ગયું છે. જો આ સાંસદો ખુલ્લેઆમ બળવો કરશે તો બંગાળમાં મોટા રાજકીય સમીકરણો બદલાઈ શકે છે.