નવી દિલ્‍હીા,તા.૧૧: રાજધાની દિલ્‍હીમાં એક ચોંકાવનારી ઘટના સામે આવી છે, જેમાં કાયદો અને વ્‍યવસ્‍થાને પડકાર ફેંકવામાં આવ્‍યો છે. પ્રખ્‍યાત પંજાબી ગાયક ગુરુ રંધાવાની માલિકીના જીમ બહાર અજાણ્‍યા હુમલાખોરોએ ગોળીબાર કર્યો. આ ઘટનાથી સમગ્ર વિસ્‍તારમાં ગભરાટ ફેલાયો છે અને સુરક્ષા કડક કરવામાં આવી છે.

કુખ્‍યાત લોરેન્‍સ બિશ્નોઈ ગેંગે આ સનસનાટીભર્યા હુમલાની જવાબદારી સ્‍વીકારી છે. સોશિયલ મીડિયા પર વાયરલ થયેલી એક કથિત પોસ્‍ટ અને ઓડિયો ક્‍લિપ દ્વારા ગેંગે ગોળીબારની જવાબદારી સ્‍વીકારી છે.

વાયરલ ઓડિયોમાં, એક ગેંગ સભ્‍ય કથિત રીતે કહેતા સાંભળી શકાય છે કે ગુરુ રંધાવાને અભિનેતા સલમાન ખાન સાથેના ગાઢ સંબંધોને કારણે નિશાન બનાવવામાં આવ્‍યો હતો. ઓડિયોમાં હુમલાને ફક્‍ત ટ્રેલર તરીકે વર્ણવવામાં આવ્‍યો છે.

ઘટનાની માહિતી મળતાં, દિલ્‍હી પોલીસની ટીમો ઘટનાસ્‍થળે પહોંચી અને જીમની બહારના દ્રશ્‍યો અને સીસીટીવી ફૂટેજ કબજે કર્યા. પોલીસ આ ખરેખર કોઈ ગેંગનું કામ છે કે કોઈએ આતંક ફેલાવવા માટે નામનો ઉપયોગ કર્યો છે તે નક્કી કરવા માટે સંપૂર્ણ તપાસ કરી રહી છે.

દિલ્‍હી પોલીસના જણાવ્‍યા અનુસાર, વાયરલ ઓડિયો અને સોશિયલ મીડિયા પોસ્‍ટની સત્‍યતા ચકાસવામાં આવી રહી છે, જેના પછી જ પરિસ્‍થિતિ સંપૂર્ણપણે સ્‍પષ્ટ થશે.

દિલ્‍હી પોલીસે એક નિવેદનમાં જણાવ્‍યું હતું કે, ૧૧ જૂન, ૨૦૨૬ ના રોજ વહેલી સવારે, પﾍમિ વિહાર પૂર્વ પોલીસ સ્‍ટેશનને દિલ્‍હીના પﾍમિ વિહારના પુષ્‍કર એન્‍ક્‍લેવમાં ૨૪ કલાક ફિટનેસ જીમમાં ગોળીબારની ઘટના અંગે પીસીઆર કોલ મળ્‍યો હતો. પ્રાથમિક તપાસમાં પુષ્ટિ મળી છે કે બે અજાણ્‍યા વ્‍યક્‍તિઓ, જેમણે તેમના ચહેરા ઢાંકેલા હતા, મોટરસાઇકલ પર આવ્‍યા હતા, તેમણે જીમની કાચની બારીઓ પર થોડા રાઉન્‍ડ ફાયરિગ કર્યું હતું. આ ઘટનામાં કોઈને ઈજા થઈ નથી. સ્‍થાનિક અને જિલ્‍લા પોલીસે તાત્‍કાલિક કાર્યવાહી કરી છે, અને આ કેસમાં યોગ્‍ય કાનૂની કાર્યવાહી શરૂ કરવામાં આવી રહી છે. આરોપીઓને ઓળખવા, શોધવા અને ઝડપથી ધરપકડ કરવા માટે ઘણી ટીમો બનાવવામાં આવી છે