જાપાનમાં અભ્યાસ કરી ઉચ્ચ ડિગ્રી મેળવવાની અમૂલ્ય તક : સ્કૉલરશીપ...

News of Friday, 12th June 2026

જાપાનમાં અભ્યાસ કરી ઉચ્ચ ડિગ્રી મેળવવાની અમૂલ્ય તક : સ્કૉલરશીપ સાથે અનેક સુવિધા મળશે: જાણો સંપૂર્ણ માહિતી

આ સ્કોલરશીપ મારફતે ભારતીય વિદ્યાર્થીઓ પાસે ઓછામાં ઓછી 17 જેટલી યુનિવર્સિટીમાં અભ્યાસ કરવાનો ઉત્તમ અવસર

નવી દિલ્હી : જાપાનની પ્રતિષ્ઠિત યુનિવર્સિટીમાં અભ્યાસ કરવા માગો છો તો તમારી પાસે સ્કોલરશિપ સાથે અભ્યાસ કરવાની ઉત્તમ તક છે. ભારતીય વિદ્યાર્થીઓને એશિયન ડેવલપમેન્ટ બેંક-જાપાન સ્કોલરશિપ પ્રોગ્રામ એટલે કે ADB-JSP સ્કોલરશિપ માટે અરજી કરવાની તમારી પાસે ઉત્તમ તક છે. આ સ્કોલરશીપ મારફતે ભારતીય વિદ્યાર્થીઓ પાસે ઓછામાં ઓછી 17 જેટલી યુનિવર્સિટીમાં અભ્યાસ કરવાની ઉત્તમ તક રહેલી છે. બસ આ માટે વિદ્યાર્થીઓએ એડમિશન સાઈકલમાં અરજી કરવાની રહે છે.

અત્રે ઉલ્લેખનીય છે કે ADB-JSP સ્કોલરશિપને એપ્રિલ 1988માં જાપાન સરકાર તરફથી સહાયતા પૂરી પાડીને લોંચ કરવામાં આવી હતી. તેનો ઉદ્દેશ ADBના વિકાસશીલ દેશોથી આવતા વિદ્યાર્થીઓને ઈકોનોમિકસ, સાયન્સ અને ટેકનોલોજી,મેનેજમેન્ટ સાથે-સાથે ડેવલપમેન્ટ સંબંધિત ફિલ્ડમાં માસ્ટર્સ લેવલનો અભ્યાસ કરવા માટે ઉત્તમ તક આપવાનો હતો. આ સાથે અભ્યાસ પૂરો થઈ ગયા બાદ સ્કોલરશીપ મેળવનાર વિદ્યાર્થી દેશ પરત ફરીને આર્થિક અને સામાજીક વિકાસમાં મોટું યોગદાન આપી શકે છે.

આ સ્કોલરશપમાં કઈ બાબતને કવર કરવામાં આવે છે

ટ્યુશન ફી સંપૂર્ણપણે માફ
દર મહિને રહેવા તતા ભોજન માટે ભથ્થુ
પુસ્તકો તથા અભ્યાસ સામગ્રી માટે ભથ્થા
મેડકલ સંબંધિત ઈન્શ્યોરન્સ
ટ્રાવેલ સંબંધિત ખર્ચ
રિસર્ચ કરનાર વિદ્યાર્થીઓને થિસિસ તૈયાર કરવા ગ્રાન્ટ અપાય છે

ADB-JSP સ્કોલરશિપને લગતી કઈ શરતો રહેલી છે?

અરજદાર ADB સભ્ય દેશના નાગરિક હોવા જોઈએ
અરજદારે જાપાનની કોઈ યુનિવર્સિટીમાં માસ્ટર્સમાં એડમિશન મળેલ હોય.
અરજદારનો સ્નાતકમાં શૈક્ષણિક રેકોર્ડ સારો હોવો જોઈએ.
ગ્રેજ્યુએશન બાદ ઓછામાં ઓછા 2 વર્ષનો વર્ક એક્સપીરિસયન્સ જોવો જોઈએ.
અરજદારે અંગ્રેજી ભાષામાં લખતા અને બોલતા આવડવું જોઈએ.
આ સ્કોલરશિપ માટે ફક્ત 35 વર્ષથી ઓછી ઉંમરના લોકો જ અરજી કરી શકે છે.
અરજદારે અભયાસ પૂરો કર્યાં બાદ ઓછામાં ઓછા 2 વર્ષ તેના ગૃહ દેશમાં કામ કરવાની પ્રતિબદ્ધતા આપવી પડશે.