અમેરિકાએ ઈરાનના તે દાવાને ફગાવી દીધો છે, જેમાં કહેવામાં આવ્યું હતું કે સંભવિત કરાર હેઠળ તેના ફ્રીઝ્ડ ફંડ્સ જારી કરવામાં આવશે. ઉપરાષ્ટ્રપતિ જેડી વેન્સે કહ્યું કે માત્ર કરાર પર હસ્તાક્ષર કરવા અથવા વાતચીતમાં સામેલ થવાના બદલામાં ઈરાનને કોઈ પૈસા આપવામાં આવશે નહીં.

વેન્સનું નિવેદન એવા સમયે આવ્યું છે, જ્યારે ઈરાની મીડિયામાં દાવો કરવામાં આવ્યો કે અમેરિકા સાથેના પ્રસ્તાવિત કરારમાં તેહરાનની જામી ગયેલી સંપત્તિઓ રિલીઝ કરવાનો માર્ગ તૈયાર કરવામાં આવ્યો છે.

અમેરિકી ઉપરાષ્ટ્રપતિએ કહ્યું કે ઈરાનને આર્થિક ફાયદો ત્યારે જ મળશે, જ્યારે તે કરારની શરતોનું પાલન કરશે. તેમણે એવો પણ દાવો કર્યો કે પ્રસ્તાવિત ડીલ અમેરિકા અને તેના સહયોગી દેશોની સુરક્ષા ચિંતાઓને ધ્યાનમાં રાખીને તૈયાર કરવામાં આવી છે.તાજેતરના દિવસોમાં અમેરિકા અને ઈરાન, બંને તરફથી કરારને લઈને અલગ-અલગ દાવા કરવામાં આવ્યા છે.

જ્યાં ઈરાની મીડિયા ડીલની શરતોનો ખુલાસો કરી રહ્યું છે, ત્યાં ટ્રમ્પ પ્રશાસન સતત કહી રહ્યું છે કે મીડિયામાં ચાલી રહેલી ઘણી વાતો સાચી નથી.