વિશ્વાસનો અભાવ વિશ્વનો સૌથી મોટો પડકાર
જી-૭ સંમેલનને પીએમ મોદીનું સંબોધનઃ વિશ્વ આજે વિશ્વાસના અભાવનો સામનો કરી રહ્યું છેઃ વિશ્વાસ પુનઃસ્થાપિત કરવાની જરૂર : વિશ્વ શાંતિ-સ્થિરતા ઉપર પીએમએ ભાર મૂક્યોઃ ટ્રમ્પની હાજરીમાં ભારતીય નાવિકોના મોતનો મુદ્દો ઉઠાવ્યોઃ દેશો વચ્ચે નવી ભાગીદારી અને આંતરરાષ્ટ્રીય દેશો વચ્ચે નવી ભાગીદારી અને આંતરરાષ્ટ્રીય એકતા ઉપર ભાર મૂક્યો
નવી દિલ્હી,તા.૧૭: વડાપ્રધાન મોદીએ G-7 સમિટમાં જણાવ્યું હતું કે પરસ્પર વિશ્વાસ આજે સૌથી મોટી વ્યૂહાત્મક તાકાત છે અને વિશ્વ વિશ્વાસની ઉણપનો સામનો કરી રહ્યું છે. તેમણે યુએસ પ્રમુખ ડોનાલ્ડ ટ્રમ્પ સહિત G-7 દેશોના નેતાઓને કહ્યું કે દેશો વચ્ચે ભાગીદારીનું ભવિષ્ય આ વિશ્વાસને મજબૂત બનાવવા પર નિર્ભર છે.મંગળવારે (૧૬ જૂન) ફ્રાન્સમાં G7 સમિટ દરમિયાન વડા પ્રધાન નરેન્દ્ર મોદીએ વૈશ્વિક મંચ પરથી એક સંદેશ આપ્યો, જેનાથી આંતરરાષ્ટ્રીય સંબંધો અને સહયોગની દિશા પર મહત્વપૂર્ણ ચર્ચા શરૂ થઈ. G-7 આઉટરીચ સત્રને સંબોધતા, પીએમ મોદીએ કહ્યું કે વિશ્વને નિર્ભરતા નહીં, પણ આદર અને સમાનતા પર આધારિત ભાગીદારીની જરૂર છે.
નરેન્દ્ર મોદીએ પﾍમિ એશિયામાં ચાલી રહેલા સંકટને ઉકેલવાના પ્રયાસોનું સ્વાગત કર્યું. તેમણે હોર્મુઝ સ્ટ્રેટની પરિસ્થિતિ પર ચિતા વ્યક્ત કરી અને નોંધ્યું કે ભારતીય ખલાસીઓ સહિત ઘણા ભારતીયો સંઘર્ષમાં મૃત્યુ પામ્યા છે. પ્રધાનમંત્રીએ આ ક્ષેત્રમાં શાંતિ અને સ્થિરતા પુનઃસ્થાપિત કરવાની જરૂરિયાત પર પણ ભાર મૂક્યો.
પ્રધાનમંત્રી નરેન્દ્ર મોદીએ કહ્યું, અમે પﾍમિ એશિયામાં શાંતિ સ્થાપિત કરવા માટે થઈ રહેલા પ્રયાસોનું સ્વાગત કરીએ છીએ. આ સંઘર્ષથી પ્રદેશના અમારા મિત્ર દેશોમાં જાનમાલનું નુકસાન થયું છે. હોર્મુઝ સ્ટ્રેટમાં દરિયાઈ વેપારમાં વિક્ષેપથી વૈશ્વિક અર્થતંત્ર પર અસર પડી છે, અને ઘણા ભારતીય નાગરિકોએ પણ પોતાના જીવ ગુમાવ્યા છે.
તેમણે કહ્યું, દુનિયાને જોડતા દરિયાઈ વેપારમાં કામ કરતા નાવિકોની સલામતી સુનિﾍતિ કરવાની જવાબદારી આપણી છે. દરિયાઈ માર્ગો સુરક્ષિત રહે અને નાવિકો ભય વિના પોતાનું કાર્ય કરી શકે તે જરૂરી છે.
છેલ્લા સાડા ત્રણ મહિનામાં વિવિધ ઘટનાઓમાં ત્રણ નાવિકો સહિત ઓછામાં ઓછા ૧૩ ભારતીયોના મોત થયા છે. ભારતીય નાવિકોને લઈ જતા અનેક જહાજો પર હુમલો થયો છે. આવી જ એક ઘટનામાં, ઓમાન નજીક યુએસ નેવીના હુમલામાં ત્રણ ભારતીયો માર્યા ગયા હતા. આ પછી, ભારતે યુએસ સમક્ષ સત્તાવાર વિરોધ નોંધાવ્યો. નવી દિલ્હીએ યુએસ કાર્યકારી રાજદ્વારી (ચાર્જ ડી'અફેર્સ) ને બે વાર બોલાવ્યા, અને વિદેશ પ્રધાન એસ. જયશંકરે યુએસ સેક્રેટરી ઓફ સ્ટેટ માર્કો રુબિયો સમક્ષ ફોન પર આ મુદ્દો ઉઠાવ્યો.
વડાપ્રધાન નરેન્દ્ર મોદીએ કહ્યું, આંતરરાષ્ટ્રીય ભાગીદારી અને વૈશ્વિક એકતા ત્યારે જ અર્થપૂર્ણ બને છે જ્યારે આપણે સાથે મળીને સામાન્ય પડકારોનો સામનો કરીએ. ભારત દ્રઢપણે માને છે કે વિશ્વના વિવિધ ભાગોમાં ચાલી રહેલા તણાવ અને સંઘર્ષોનો કાયમી ઉકેલ ફક્ત સંવાદ, રાજદ્વારી અને આંતરરાષ્ટ્રીય સહયોગ દ્વારા જ શક્ય છે.
મોદીએ આ નિવેદન G-7સમિટમાં આપ્યું હતું, જ્યાં તેઓ યુએસ પ્રમુખ ડોનાલ્ડ ટ્રમ્પ સાથે મળ્યા હતા. ફેબ્રુઆરી ૨૦૨૫ માં વ્હાઇટ હાઉસમાં તેમની મુલાકાત પછી બંને નેતાઓ વચ્ચે આ પહેલી સામ-સામે મુલાકાત હતી. જો કે, છેલ્લા ૧૬ મહિનામાં બંને નેતાઓએ ફોન દ્વારા ઘણી વખત વાત કરી છે.
આ G-7 બેઠક એવા સમયે થઈ રહી છે જ્યારે અમેરિકા અને ઈરાન પﾍમિ એશિયામાં યુદ્ધનો અંત લાવવા માટે કરાર પર પહોંચ્યા છે. આ કટોકટી અને હોર્મુઝ સ્ટ્રેટના લગભગ બંધ થવાથી વૈશ્વિક ઊર્જા પુરવઠા અને વિશ્વ અર્થતંત્ર પર અસર પડી છે.
નવી ભાગીદારી બનાવવી અને આંતરરાષ્ટ્રીય એકતાનું પુનર્નિર્માણ' વિષય પર એક સત્રને સંબોધતા, પ્રધાનમંત્રી નરેન્દ્ર મોદીએ કહ્યું, આજનું વિશ્વ પહેલા કરતાં વધુ એકબીજા સાથે જોડાયેલું અને પરસ્પર નિર્ભર છે. કોઈ પણ દેશની ઉર્જા સુરક્ષા, ખાદ્ય સુરક્ષા, આરોગ્ય સુરક્ષા, સાયબર સુરક્ષા અને આર્થિક સમૃદ્ધિ હવે ફક્ત તેની સરહદોની અંદર જ નક્કી થતી નથી.
તેમણે ઉમેર્યું, લોકોની હિલચાલ, ડેટા, મૂડી અને ટેકનોલોજી જેવી બાબતો આજે સમગ્ર વિશ્વને જોડે છે. તેથી, સહિયારા પડકારોના ઉકેલો સાથે મળીને શોધવા જોઈએ.
પ્રધાનમંત્રી નરેન્દ્ર મોદીએ કહ્યું, આવા સમયમાં, ભાગીદારીનું મહત્વ સ્વાભાવિક રીતે વધે છે. પરંતુ કોઈપણ ભાગીદારી ત્યારે જ સફળ થાય છે જ્યારે તે વિશ્વાસ પર આધારિત હોય. આજે, સૌથી મહત્વપૂર્ણ વ્યૂહાત્મક સંપત્તિ ખનિજો, ટેકનોલોજી અથવા બજારો નથી, પરંતુ પરસ્પર વિશ્વાસ છે.
તેમણે કહ્યું, એવો વિશ્વાસ હોવો જોઈએ કે ટેકનોલોજી અને સપ્લાય ચેઇનનો ઉપયોગ વૈશ્વિક ભલા માટે થશે, શષો દ્વારા નહીં. એવો વિશ્વાસ હોવો જોઈએ કે વિકાસની તકો ફક્ત અમુક દેશો સુધી મર્યાદિત રહેશે નહીં. વધુમાં, વૈશ્વિક સંસ્થાઓ બધા દેશોની આકાંક્ષાઓને પૂર્ણ કરી શકશે.
મોદીએ કહ્યું, ‘‘છેલ્લી સદીમાં, માનવતાએ બે વિશ્વયુદ્ધોનું દુઃખ સહન કર્યું. વિશાળ બલિદાન પછી, વિશ્વએ શાંતિ, સ્થિરતા અને સમૃદ્ધિ તરફ આગળ વધવા માટે ઘણી સિસ્ટમો વિકસાવી, અને તેનો પાયો વિશ્વાસ પર બાંધવામાં આવ્યો. પરંતુ દાયકાઓથી બનેલો આ વિશ્વાસ આજે નબળો પડી રહ્યો છે. કોવિડ રોગચાળાએ આપણને અરીસો બતાવ્યો છે અને બતાવ્યું છે કે વિશ્વાસ અને એકતાના દાવા કેટલા પોકળ સાબિત થયા છે.''
તેમણે કહ્યું, ‘‘આજે, વિશ્વ સંસાધનોની અછતથી નહીં, પરંતુ વિશ્વાસના અભાવથી ઝઝૂમી રહ્યું છે. આપણી ભાગીદારીનું ભવિષ્ય આ વિશ્વાસને ફરીથી બનાવવા પર નિર્ભર છે.''
(10:41 AM IST)
છેલ્લા 8 દિવસમાં સૌથી લોકપ્રિય 
