જોધપુર જેલમાં બંધ આસારામને હાઈકોર્ટે ૨૦ દિવસના પેરોલ આપ્યા
જોધપુર તા.૪: રાજસ્થાન હાઈકોર્ટે સગીર પર બળાત્કારના આરોપમાં આજીવન કેદની સજા ભોગવી રહેલા આસારામ બાપુને ૧૩ વર્ષમાં પહેલી વાર ૨૦ દિવસના પેરોલ મંજૂર કર્યા છે. કોર્ટે જણાવ્યું હતું કે સરકારની ચિતાઓ પાયાવિહોણી હતી અને તેમને શરતી મુક્તિનો આદેશ આપ્યો હતો.
સગીર પર બળાત્કારના આરોપમાં જોધપુર જેલમાં આજીવન કેદની સજા ભોગવી રહેલા ૮૭ વર્ષીય આસારામ બાપુને ૧૩ વર્ષમાં પહેલી વાર ૨૦ દિવસના પેરોલ મંજૂર કરવામાં આવ્યા છે. રાજસ્થાન હાઈકોર્ટના કાર્યકારી મુખ્ય ન્યાયાધીશ સંજીવ પ્રકાશ શર્મા અને ન્યાયાધીશ સંજીત પુરોહિતની ડિવિઝન બેન્ચે આદેશ જારી કરીને જણાવ્યું હતું કે પેરોલ નકારવા માટે રજૂ કરાયેલી ચિતાઓનો કોઈ નક્કર આધાર રેકોર્ડ પર નથી.આસારામનું પ્રતિનિધિત્વ કરતા વકીલ કાલુરામ ભાટી અને યશપાલ સિહ રાજપુરોહિત. સુનાવણી દરમિયાન, રાજ્ય સરકારે કોર્ટને જણાવ્યું હતું કે જિલ્લા કલેક્ટરની અધ્યક્ષતામાં થયેલી બેઠકમાં પેરોલ અરજી ફગાવી દેવાની ભલામણ કરવામાં આવી હતી. પોલીસે ચિતા વ્યક્ત કરી હતી કે જો પેરોલ મંજૂર કરવામાં આવે તો આસારામ ફરાર થઈ શકે છે. સરકારે એમ પણ કહ્યું હતું કે રાજસ્થાનની બહાર તેમની સામે ફોજદારી કેસ નોંધાયેલા છે અને ગુજરાતની કોર્ટે તેમને દોષિત ઠેરવ્યા છે. સરકારે એવી પણ દલીલ કરી હતી કે આસારામ સારવાર હેઠળ છે અને તબીબી અધિકારીએ પેરોલ માટે ફિટનેસ સર્ટિફિકેટ જારી કર્યું નથી. વધુમાં, ફરિયાદીના પરિવારની સલામતી અંગે ગંભીર ચિંતાઓ વ્યક્ત કરવામાં આવી હતી.
જો કે, આ દલીલો પર વિચાર કર્યા પછી, હાઈકોર્ટે જણાવ્યું હતું કે આસારામ લગભગ ૧૩ વર્ષ, એક મહિનો અને ૨૪ દિવસથી જેલમાં હતા. આ સમયગાળા દરમિયાન, તેમને અગાઉ વચગાળાના જામીન આપવામાં આવ્યા હતા, પરંતુ જામીનનો દુરુપયોગ, ફરાર, સમાજ કે સાક્ષીઓને પ્રભાવિત કરવા અથવા કોઈને નુકસાન પહોંચાડવાની કોઈ ઘટના બની નથી. તેથી, ફક્ત શંકાના આધારે પેરોલ નકારી શકાય નહીં. ડિવિઝન બેન્ચે સરકારની બધી ચિતાઓને પાયાવિહોણી ગણાવીને આસારામને ૨૦ દિવસની પ્રારંભિક પેરોલ મંજૂર કરી. કોર્ટે તેમને રૂા. ૫૦,૦૦૦ ના વ્યક્તિગત બોન્ડ અને રૂા. ૨૫,૦૦૦ ના બે સક્ષમ જામીનદારો રજૂ કરવાની શરતે મુક્ત કરવાનો આદેશ આપ્યો હતો. નિર્ધારિત સમયગાળો પૂર્ણ થયા પછી, તેમણે નિયમો અનુસાર જેલમાં પાછા હાજર થવું પડશે.
(3:23 PM IST)
છેલ્લા 8 દિવસમાં સૌથી લોકપ્રિય 
