નવી દિલ્‍હી,તા.૬: દેવામાં ડૂબેલી ટેલિકોમ કંપની વોડાફોન આઈડિયા (Vi)ના ચેરમેન કુમાર મંગલમ બિરલાએ બુધવારે જણાવ્‍યું હતું કે નેટવર્ક રોકાણ જાળવી રાખવા માટે ટેરિફ વધારો જરૂરી છે. આનો અર્થ એ છે કે Vi ટેરિફ વધારી શકે છે. આનો સ્‍પષ્ટ અર્થ એ છે કે Vi વપરાશકર્તાઓ માટે રિચાર્જ પ્‍લાન વધુ મોંઘા થઈ શકે છે. તેમનું નિવેદન એવા સમયે આવ્‍યું છે જ્‍યારે કંપની તેની રૂ.૪૫,૦૦૦ કરોડની મૂડી ખર્ચ યોજના માટે ભંડોળ એકત્ર કરવા માટે ધિરાણકર્તાઓ સાથે વાતચીત કરી રહી છે. Vi ઉપરાંત, રિલાયન્‍સ Jio અને Airtel એ પણ તેમના પ્‍લાન વધારવાનો સંકેત આપ્‍યો છે.

મીડિયા રિપોર્ટ્‍સ અનુસાર, ઉદ્યોગ નિષ્‍ણાતો અને બજાર રિપોર્ટ્‍સ સૂચવે છે કે ભારતની અગ્રણી ટેલિકોમ કંપનીઓ, રિલાયન્‍સ જિયો અને ભારતી એરટેલ, મોબાઇલ ટેરિફના ભાવમાં ૧૨% થી ૧૫% સુધીનો વધારો કરવાની તૈયારી કરી રહી છે. આ વધારો આગામી ત્રણથી ચાર મહિનામાં થઈ શકે છે.

આ પહેલા ઘણી વખત એવું જોવા મળ્‍યું છે કે જ્‍યારે પણ આ ત્રણ ખાનગી ટેલિકોમ કંપનીઓ ટેરિફમાં વધારો કરે છે, ત્‍યારે તેઓ તેમના રિચાર્જ પ્‍લાનના ભાવમાં પણ એક સાથે વધારો કરે છે. હવે, ફરીથી, ત્રણેય કંપનીઓએ સંકેત આપ્‍યો છે કે પ્‍લાન વધુ મોંઘા થઈ શકે છે. ૩-૪ મહિનાનો અર્થ એ છે કે ડિસેમ્‍બર સુધીમાં મોબાઇલ રિચાર્જ પ્‍લાનના ભાવમાં વધારો થઈ શકે છે.

ARPU (પ્રતિ વપરાશકર્તા આવક) ટેલિકોમ કંપનીઓ માટે મહત્‍વપૂર્ણ છે. બિરલાએ જણાવ્‍યું હતું કે ભારત વિશ્વમાં પ્રતિ વપરાશકર્તા સૌથી ઓછી સરેરાશ આવક ધરાવતા દેશોમાંનો એક છે. તેથી, જો ઓપરેટરો રોકાણ જાળવી રાખવા અને આગામી પેઢીના નેટવર્કના રોલઆઉટ માટે ભંડોળ પૂરું પાડવા માંગતા હોય, તો સમયાંતરે ટેરિફમાં સુધારો કરવો જરૂરી છે.Jio અને Airtel બંને તેમના એકંદર ARPU ને રૂ.૨૦૦ થી  રૂ.૩૦૦ પ્રતિ માસના લક્ષ્ય સુધી વધારવાનો પ્રયાસ કરી રહ્યા છે. છેલ્‍લા કેટલાક વર્ષોમાં, ભારતીય ટેલિકોમ કંપનીઓએ ૫ઞ્‍ સ્‍પેક્‍ટ્રમ ખરીદવા અને દેશભરમાં ૫ઞ્‍ ઇન્‍ફ્રાસ્‍ટ્રક્‍ચર સ્‍થાપિત કરવા માટે હજારો કરોડ રૂપિયા ખર્ચ્‍યા છે.હાલમાં, પસંદગીના પ્‍લાન પર મફત અને અમર્યાદિત 5G ડેટા ઓફર કરવામાં આવી રહ્યો છે, અને ટેલિકોમ કંપનીઓ આ નોંધપાત્ર રોકાણને સતત નફામાં રૂપાંતરિત કરવા આતુર છે.