નવી દિલ્‍હી તા.૬: હાલમાં પ્રશાંત મહાસાગરમાં સક્રિય થયેલા એક શક્‍તિશાળી ચક્રવાતને કારણે દક્ષિણ-પﾍમિ મોસમના વાદળો પૂર્વ તરફ ખેંચાઈ રહ્યા છે. જેના લીધે ભારતના પﾍમિ અને દક્ષિણ ભાગોમાં વરસાદની અસ્‍થાયી અછત અને સૂકું વાતાવરણ સર્જાઈ રહ્યું છે. આ અસ્‍થાયી સ્‍થિતિ દેશના ખેડૂતો, જળાશયો અને દૈનિક જીવનને પ્રભાવિત કરી રહી છે, પરંતુ નિષ્‍ણાતોના મતે આ પ્રભાવ લાંબો સમય ટકશે નહીં અને પરિસ્‍થિતિ સામાન્‍ય થવાની પૂરી સંભાવનાઓ છે.

યુરોપિયન સેન્‍ટર ફોર મીડિયમ-રેન્‍જ વેધર ફોરકાસ્‍ટ્‍સ (ECMWF)ના નવા આઉટલુક મુજબ, વર્ષ ૨૦૨૬ ના પૂર્વોત્તર મોસમ એટલે કે ઓક્‍ટોબરથી ડિસેમ્‍બર દરમિયાન દક્ષિણ ભારતમાં ઉત્તમ વરસાદની સંભાવના છે. ખાસ કરીને કેરળ, તમિલનાડુ અને શ્રીલંકામાં સામાન્‍ય કરતાં વધુ વરસાદ થવાની શક્‍યતા વ્‍યક્‍ત કરવામાં આવી છે. જે આ કૃષિ પ્રધાન ક્ષેત્ર માટે ખૂબ જ મહત્ત્વપૂર્ણ સાબિત થશે.

ભલે અલ-નિનો મજબૂત થઈ રહ્યો હોય, પરંતુ ભારતીય મહાસાગર ડાઇપોલ (IOD) ના પોઝિટિવ રહેવાની પ્રબળ સંભાવના છે. પોઝિટિવ IOD પﾍમિી હિન્‍દ મહાસાગરને ગરમ રાખીને ભારત તરફ ભેજનો પ્રવાહ વધારે છે. આ અનુકૂળ સંયોજન અરબી સમુદ્રને વધુ સક્રિય બનાવે છે. જે દક્ષિણ ભારતમાં પૂર્વોત્તર મોસમ દરમિયાન સારી વર્ષા લાવવામાં મોટું યોગદાન આપે છે.

પૂર્વોત્તર મોસમ મુખ્‍યત્‍વે બંગાળની ખાડીથી આવતી પૂર્વીય પવનો અને સ્‍થાનિક નીચા દબાણના ક્ષેત્રો પર આધારિત છે. દક્ષિણ-પﾍમિ બંગાળની ખાડી, મન્નારની ખાડી અને કોમોરિન બેસિનમાં વિકસતી આ પ્રણાલીઓ વાદળોને પﾍમિ તરફ ધકેલે છે. પﾍમિી પ્રશાંત મહાસાગરની નિષ્‍ક્રિયતા છતાં આ સ્‍થાનિક સિસ્‍ટમો તમિલનાડુ અને કેરળના તટીય વિસ્‍તારોમાં પૂરતો અને સારો વરસાદ લાવવા માટે સંપૂર્ણપણે પર્યાપ્ત સાબિત થશે.