મુંબઈ : તાજેતરમાં સોશિયલ મીડિયા પર બિરયાનીના ભાવને લઈને ભારે ચર્ચામાં આવેલા જાણીતા સ્ટેન્ડ-અપ કૌમેડિયન પ્રણિત મોરેએ આખરે પોતાના પ્રશંસકો માટે એક મોટા સમાચાર આપ્યા છે. ₹૩૭૦ ની બિરયાની સાથે જોડાયેલા ઓનલાઈન વિવાદ અને ટ્રોલિંગના લાંબા તબક્કા બાદ, પ્રણિત મોરેએ સ્ટેજ પર પોતાની વાપસીની જાહેરાત કરી છે. તેણે પોતાના આગામી સોલો સ્પેશિયલ કોમેડી શો 'ઘાયલ'ની જાહેરાત કરીને ચાહકોને સરપ્રાઈઝ આપી છે.

પોતાના નવા શો અંગે વાત કરતા પ્રણિત મોરેએ ભાવુક થઈને જણાવ્યું હતું કે, "જે થઈ ગયું તેને હું હવે બદલી શકતો નથી, પરંતુ હું આગળ વધી શકું છું અને લોકોના ચહેરા પર હાસ્ય લાવી શકું છું." તેણે સ્પષ્ટ કર્યું કે આ નવા શોમાં તે તાજેતરમાં બનેલી ઘટનાઓ અને પોતાના જીવનના અનુભવોને હાસ્યના રૂપમાં રજૂ કરશે.

શું હતો ₹૩૭૦ ની બિરયાનીનો વિવાદ?
ઉલ્લેખનીય છે કે થોડા સમય પહેલા પ્રણિત મોરેએ ઓર્ડર કરેલી બિરયાની અને તેની કિંમત (₹૩૭૦) ને લઈને એક પોસ્ટ શેર કરી હતી, જે જોતજોતામાં સોશિયલ મીડિયા પર વાયરલ થઈ ગઈ હતી. તેના આ નિવેદન પર નેટીઝન્સે મિશ્ર પ્રતિક્રિયાઓ આપી હતી અને તેને લઈને ભારે ટ્રોલિંગ તેમજ વિવાદ ઊભો થયો હતો.

હવે આ તમામ વિવાદોને પાછળ છોડીને પ્રણિતે સ્ટેન્ડ-અપ કોમેડીના સ્ટેજ પર પુનઃપદાર્પણ કરવાનો નિર્ણય લીધો છે. તેના નવા શો 'ઘાયલ'ની જાહેરાત થતાં જ તેના સમર્થકો અને કોમેડી પ્રેમીઓ સોશિયલ મીડિયા પર તેને આવકારી રહ્યા છે અને શોની ટિકિટો અને તારીખોની રાહ જોઈ રહ્યા છે.