હોસ્પિટલના ટોયલેટમાંથી નર્સનો મૃતદેહ મળ્યો
કોલકતામાં ફરી RG કર જેવો કાંડ
કોલકાતા,તા.૧૪: કોલકાતાની નીલરતન સરકાર મેડિકલ કોલેજ એન્ડ હોસ્પિટલ (NRS) ના શૌચાલયમાંથી બુધવારે રાત્રે એક મહિલા નર્સનો મૃતદેહ મળી આવતા ચકચાર મચી ગઈ છે. ઘટનાની જાણ થતાં જ પોલીસે સ્થળ પર પહોંચી દરવાજો તોડીને મૃતદેહ બહાર કાઢ્યો હતો અને તેને પોસ્ટમોર્ટમ અર્થે મોકલી આપી આગળની કાર્યવાહી હાથ ધરી છે.
મહિલા નર્સ બુધવારે રાત્રે આશરે ૮ વાગ્યે નાઇટ શિફટ માટે ડ્યુટી પર આવી હતી. તેમની સાથે કામ કરતા કર્મચારીઓના જણાવ્યા મુજબ, તેઓ રાત્રે ૯થી ૧૦ વાગ્યાની વચ્ચે હોસ્પિટલના શૌચાલયમાં ગયા હતા. મોડે સુધી પાછા ન આવતા સાથી કર્મચારીઓએ બૂમો પાડી અને દરવાજો ખખડાવ્યો હતો, પરંતુ અંદરથી કોઈ પ્રતિસાદ મળ્યો ન હતો.
ઘટના અંગે જાણ કરવામાં આવતા જ એન્ટાલી પોલીસ સ્ટેશનની ટીમ હોસ્પિટલ પહોંચી હતી. પોલીસે પહેલાં અંદર રહેલી નર્સ સાથે વાત કરવાનો પ્રયાસ કર્યો હતો, પરંતુ કોઈ જવાબ ન મળતા દરવાજો તોડી નાખ્યો હતો. હાલમાં નર્સના મોતનું સાચું કારણ સ્પષ્ટ થયું નથી અને પોલીસ પોસ્ટમોર્ટમ રિપોર્ટ આવવાની રાહ જોઈ રહી છે.
(10:43 AM IST)
છેલ્લા 8 દિવસમાં સૌથી લોકપ્રિય 
