૪૫૮ રેલવે સ્ટેશન પર પાયાની સુવિધાઓનો અભાવ.
CAG રિપોર્ટમાં પીવાના પાણી અને શૌચાલય અંગે મોટો ખુલાસોઃ સ્ટેશનો પર પૂરતી બેઠક વ્યવસ્થા, શૌચાલય, ડસ્ટબિન અને ઇલેક્ટ્રોનિક ટ્રેન સૂચક બોર્ડનો અભાવ સ્ટેશન પર લગાવવામાં આવેલા કુલરમાં જે પાણી છે એ પીવા લાયક નથી. યોગ્ય નથી, આ પાણીમાં ઈક્લાઈ બેક્ટેરિયા
નવી દિલ્હી તા.૧૭: રેલવેના પ્રવાસીઓને આપવામાં આવતા પીવાના પાણીની ગુણવત્તા સામે ફરી સવાલ થઈ રહ્યા છે. આ પાણીની ગુણવત્તા કેવી હોય છે એ અંગે ખુલાસો થયો છે. કેગના રિપોર્ટમાંથી એ વાત જાણવા મળ્યું છે કે, ભારતના કેટલાય સ્ટેશન એવા છે જ્યાં પીવાના પાણીની ગુણવત્તા ખરાબ છે. સ્ટેશન પર લગાવવામાં આવેલા કુલરમાં જે પાણી છે એ પીવા લાયક નથી. યોગ્ય નથી. આ પાણીમાં ઈ ક્લાઈ બેક્ટેરિયા હોવાનું જાણવા મળ્યું છે. આ એ જ બેક્ટેરિયા છે જે પેટમાં જતા જ ગંભીર ઈન્ફેક્શન લાગી જાય છે.
કેગના રિપોર્ટમાંથી એ વાત સામે આવી છે કે, અમુક સ્ટેશન એવા છે જ્યાં પીવાનું પાણી પણ યોગ્ય રીતે મળતું નથી. ઘણાય સ્ટેશન એવા છે જ્યાં શૌચાલય, બેસવાની જગ્યા અને પાણી જેવી પ્રાથમિક સુવિધાઓનો પણ અભાવ છે. આ સમગ્ર વિષયને લઈ ૧૨ ઓગસ્ટના રોજ સંસદમાં એક વિસ્તૃત રિપોર્ટ રજૂ કરવામાં આવ્યો હતો. દેશભરના અનેક મુખ્ય NSG-૧ કેટેગરી સ્ટેશનો પર અપૂરતી રેલ્વે સુવિધાઓ હોવાનું મળી આવ્યું છે. આમાં છત્રપતિ શિવાજી મહારાજ ટર્મિનસ, હાવડા, સિયાલદાહ, નવી દિલ્હી અને મુંબઈ સેન્ટ્રલનો સમાવેશ થાય છે. આ સ્ટેશનો પર પૂરતી બેઠક વ્યવસ્થા, શૌચાલય, ડસ્ટબિન અને ઇલેક્ટ્રોનિક ટ્રેન સૂચક બોર્ડનો અભાવ છે.
CAG રિપોર્ટમાં જણાવાયું છે કે ૧૨ સ્ટેશનો પર પીવાના પાણીના નળ, આઠ સ્ટેશનો પર પંખા અને આઠ સ્ટેશનો પર વોટર કુલરની અછત હતી. વધુમાં, પાંચ સ્ટેશનો પર યોગ્ય સાઇન બોર્ડનો અભાવ હતો. ૨,૦૩૫ સ્ટેશનો પર પીવાના પાણીના નળની અછત છે. ૨૦૦થી વધારે સ્ટેશન એવા છે જ્યાં શૌચાલય નથી. ૨૦૦૦થી વધારે સ્ટેશન એવા છે, જ્યાં પીવાનું પાણી નથી. ૫૯ કેન્દ્ર એવા મળી આવ્યા, જ્યાં પીવાના પાણીમાં હાનિકારક બેક્ટેરિયા હતા. ૫૧૨ સ્ટેશનમાંથી ૪૫૮ સ્ટેશન એવા હતા, જ્યાં કોઈને કોઈ પ્રાથમિક સુવિધાનો અભાવ હતો.
આ સમગ્ર મામલે રેલવે પ્રધાન અશ્વિની વૈષ્ણવે જણાવ્યું હતું કે પીવાના પાણી અને બીજી કેટલીક પ્રાથમિક સુવિધા માટે જે તે ઝોનના અધિકારીને રેલવે સ્ટેશન માટે આદેશ આપી દેવામાં આવ્યા છે. તાત્કાલિક ધોરણે આ સુવિધા શરૂ થાય એ માટે કામ કરવામાં આવી રહ્યું છે. ૨૦,૦૦૦ જેટલા સ્થાન પર નવી ટાંકી તૈયાર કરવામાં આવી રહી છે. જ્યાં વોટર ફિલ્ટરેશન સિસ્ટમ તથા સમગ્ર રેલવે નેટવર્કમાં મેગા ફિલ્ટરેશન પ્લાન્ટ લગાવી દેવામાં આવશે.
અનેક સ્ટેશન પર પાણીની ટાંકીને બદલવામાં આવી રહી છે. આ ઉપરાંત ઘણા આઉટલેટ પર અને સોર્સ પર પાણીની ગુણવત્તાનું પરીક્ષણ કરવામાં આવી રહ્યું છે. આ માટે એક સેન્ટ્રલ મોનિટરિગ સિસ્ટમ અને જવાબદારી નક્કી કરવામાં આવી છે. સ્ટોરેજની ટાંકીઓ પર સફાઈ અને દેખરેખ માટે ટીમને સૂચના આપવામાં આવી છે.
આ માટે બોર્ડની ડાયરેક્ટ નજર આ તમામ પાસાઓ પર રહેશે. આ સમગ્ર સિસ્ટમને લઈને સમયાંતરે તેનું મોનિટરિગ કરવામાં આવશે અને પછી એ અંગી રિપોર્ટ કેન્દ્ર સુધી મોકલવામાં આવશે
(3:08 PM IST)
છેલ્લા 8 દિવસમાં સૌથી લોકપ્રિય 
