મુંબઈ  : બોલિવૂડ અભિનેત્રી અને હિમાચલ પ્રદેશના મંડીથી ભાજપના સાંસદ કંગના રનૌતે શ્રાવણ મહિનાના ત્રીજા સોમવાર અને નાગ પંચમીના પરમ પવિત્ર સંયોગ પર પોતાના ઘરે વિશેષ ધાર્મિક ઉત્સવનું આયોજન કર્યું હતું. સોમવારે (૧૭ ઓગસ્ટ) કંગનાએ પોતાના નિવસ્થાને શ્રદ્ધા અને ભક્તિભાવપૂર્વક રુદ્રાભિષેક પૂજા સંપન્ન કરી હતી, જેના સુંદર વિડીયો અને તસવીરો તેણે પોતાના ચાહકો સાથે સોશિયલ મીડિયા પર શેર કર્યા હતા.

આ પવિત્ર પ્રસંગ માટે કંગનાએ નાજુક ભરતકામવાળી પેસ્ટલ લીલા રંગની સાડી ધારણ કરી હતી. તેણે પોતાના લિવિંગ રૂમના એક વિશેષ ભાગને ગલગોટા, ગુલાબ અને વિવિધ રંગબેરંગી ફૂલોની સુશોભિત રંગોળીથી શણગારીને પવિત્ર પૂજા સ્થળ બનાવ્યું હતું. આ સેટઅપના કેન્દ્રમાં ફૂલોની માળાઓ અને પરંપરાગત ભોગ-પ્રસાદથી શણગારેલું શિવલિંગ સ્થાપિત કરવામાં આવ્યું હતું, જ્યાં પંડિતજીના શાસ્ત્રોક્ત મંત્રોચ્ચાર વચ્ચે કંગનાએ રુદ્રાભિષેક કર્યો હતો.

પૂજાના દ્રશ્યો ઇન્સ્ટાગ્રામ પર શેર કરતાં કંગનાએ લખ્યું હતું કે, "શ્રાવણના ત્રીજા સોમવાર અને નાગ પંચમીની આપ સૌને હાર્દિક શુભકામનાઓ. આજે ઘરે રુદ્રાભિષેક કરવાનો સૌભાગ્ય પ્રાપ્ત થયું, હર હર મહાદેવ." વધુ એક સ્ટોરીમાં તેણે તમામ ભક્તો માટે પ્રાર્થના કરતા લખ્યું હતું કે, "મહાદેવની કૃપા આપ સૌ પર સદા બનેલી રહે, ઓમ નમઃ શિવાય."

કંગના રનૌત અવારનવાર પોતાની આધ્યાત્મિક અને ધાર્મિક જીવનશૈલીની ઝલક ફેન્સ સાથે શેર કરતી રહે છે. વિવિધ પ્રસિદ્ધ મંદિરોના દર્શનથી લઈને ઘરમાં પરંપરાગત તહેવારોની ઉજવણી સુધી, તે હંમેશા પોતાની સંસ્કૃતિ સાથે જોડાયેલી જોવા મળે છે. વર્કફ્રન્ટની વાત કરીએ તો, કંગના છેલ્લે ફિલ્મ 'ભારત ભાગ્ય વિધાતા' માં જોવા મળી હતી, જે હાલમાં Zee5 પર સ્ટ્રીમ થઈ રહી છે.