ડીપી વર્લ્ડ અને વર્લ્ડ ફૂડ પ્રોગામે આફ્રિકાના સમુદાયોને પ૦૦૦ ટન ચોખા પૂરા પાડયા
રાજકોટ, તા. ર૪ : ડીપી વર્લ્ડ અને સંયુક્ત રાષ્ટ્રના વર્લ્ડ ફૂડ પ્રોગ્રામ (ડબ્લ્યુએફપી) દ્વારા બુરુન્ડી, ડેમોક્રેટિક રિપબ્લિક ઑફ કોંગો અને રવાન્ડામાં માનવતાવાદી રાહત કામગીરીને ટેકો આપવા માટે ૫,૦૦૦ મેટ્રિક ટન ચોખા પહોંચાડવામાં આવ્યા છે. આ સહાયથી ગંભીર ખાદ્ય અસુરક્ષાનો સામનો કરી રહેલા સંવેદનશીલ અને જરૂરિયાતમંદ સમુદાયોને મદદ મળશે. આ શિપમેન્ટ દર્શાવે છે કે બંને સંસ્થાઓ માનવતાવાદી સપ્લાય ચેઇનને વધુ મજબૂત બનાવવા અને સૌથી વધુ જરૂરિયાત ધરાવતા સમુદાયો સુધી જરૂરી ખાદ્ય સામગ્રીની પહોંચ સુધારવા માટે સાથે મળીને કેવી રીતે કામ કરી રહી છે. આ માલસામાન ડીપી વર્લ્ડના શિપિંગ સોલ્યુશન્સ બિઝનેસ (જે અગાઉ યુનિફીડર તરીકે ઓળખાતો હતો) દ્વારા પહોંચાડવામાં આવ્યો હતો. તેના મારફતે ભારતના ડીપી વર્લ્ડ મુન્દ્રા ટર્મિનલથી તાન્ઝાનિયાના દાર એસ સલામ પોર્ટ સુધી જરૂરી ખાદ્ય સામગ્રી પહોંચાડવામાં આવી હતી. ડીપી વર્લ્ડના મરીન સર્વિસીસના ગ્લોબલ ચીફ ઓપરેટિંગ ઓફિસર ગણેશ રાજે જણાવ્યું હતું કે, ઙ્કડીપી વર્લ્ડમાં જ્યારે સૌથી વધુ જરૂર હોય ત્યારે મહત્વપૂર્ણ સામગ્રીની સતત હેરફેર જળવાઈ રહે તે સુનિ?તિ કરવામાં અમે મહત્વપૂર્ણ ભૂમિકા ભજવીએ છીએ. અમારા શિપિંગ સોલ્યુશન્સ નેટવર્ક મારફતે પૂર્વ આફ્રિકા સુધી ૫,૦૦૦ મેટ્રિક ટન ચોખા પહોંચાડવામાં ડબ્લ્યુએફપીના જીવનરક્ષક કાર્યને સહાય કરવા બદલ અમને ગર્વ છે.
ડીપી વર્લ્ડના ગ્રુપ સિનિયર વાઇસ પ્રેસિડેન્ટ - સસ્ટેનેબિલિટી આયલા બાજવાએ જણાવ્યું હતું કે, ઙ્કવેપાર લોકોના જીવનમાં સુધારો લાવવાની શક્તિ ધરાવે છે, ખાસ કરીને ત્યારે જ્યારે વૈશ્વિક લોજિસ્ટિક્સ નેટવર્કને મોટી મુશ્કેલીઓનો સામનો કરી રહેલા સમુદાયોની સહાય માટે સક્રિય કરવામાં આવે. ડબ્લ્યુએફપી સાથે મળીને કામ કરીને અમે અમારી નિપુણતા અને માળખાકીય સુવિધાઓનો ઉપયોગ એ સુનિ?તિ કરવામાં કરી રહ્યા છીએ કે જરૂરી ખાદ્ય સામગ્રી સૌથી વધુ જરૂરિયાત ધરાવતા લોકો સુધી પહોંચે. ડબ્લ્યુએફપીના સપ્લાય ચેઇન ડિરેક્ટર એલેક્સ મેરિયાનેલીએ જણાવ્યું હતું કે, ઙ્કમાનવતાવાદી જરૂરિયાતો ઉપલબ્ધ સંસાધનો કરતાં સતત વધી રહી છે ત્યારે ભૂખનો સામનો કરી રહેલા સમુદાયો સુધી જીવનરક્ષક ખાદ્ય સહાય પહોંચે તે સુનિ?તિ કરવા માટે આ પ્રકારની ભાગીદારી અત્યંત જરૂરી છે. ડીપી વર્લ્ડના સહયોગ માટે અમે આભારી છીએ. તેમની મદદથી અમને જરૂરી ખાદ્ય સામગ્રી વધુ કાર્યક્ષમ રીતે પહોંચાડવામાં અને જરૂરિયાતમંદ હજારો વધુ પરિવારો સુધી જીવનરક્ષક સહાય પહોંચાડવામાં મદદ મળી છે.
(3:31 PM IST)
છેલ્લા 8 દિવસમાં સૌથી લોકપ્રિય 
