નવી દિલ્હી, તા.૨૫: રાજકીય ક્ષેત્રે પોતાના પ્રભાવનો વિસ્તાર કરવાના આશયથી 'કોકરોચ જનતા પાર્ટી' (CJP) દ્વારા મંગળવારે પોતાના સંગઠનાત્મક માળખાના વ્યાપક વિસ્તરણની સત્તાવાર જાહેરાત કરવામાં આવી છે. દેશના ઉત્તર, પશ્ચિમ અને પૂર્વ ઝોનમાં પાર્ટીની કામગીરીને વધુ ગતિશીલ બનાવવાના ભાગરૂપે કમાન્ડ સોંપવામાં આવી છે. આ વિસ્તરણ હેઠળ પાર્ટીએ નવા સંગઠન સંયુક્ત સચિવો, રાષ્ટ્રીય પ્રવક્તાઓ અને વિવિધ ઝોનલ સમિતિઓની નિમણૂક કરીને રાજકીય ગરમાવો લાવી દીધો છે.

પાર્ટીના કેન્દ્રીય નેતૃત્વના જણાવ્યા અનુસાર, આ નવી ટીમો ગ્રાઉન્ડ લેવલ પર સંગઠનાત્મક નેટવર્કને વધુ મજબૂત બનાવશે. આ સાથે જ સ્થાનિક સ્તરે નવા નેતૃત્વને ઉભારીને પાર્ટીની નીતિઓ અને કાર્યક્રમોને પાયાના સ્તર સુધી પહોંચાડવામાં મદદરૂપ થશે. ઝોનલ સ્તરે પ્રવૃત્તિઓનું સંકલન કરીને કાર્યકરોમાં નવો ઉત્સાહ પૂરો પાડવાનો આ યોજનાનો મુખ્ય ઉદ્દેશ્ય છે.

નવી ટીમની રચનામાં મહત્વના હોદ્દાઓ પર અનુભવી ચેહરાઓને સ્થાન આપવામાં આવ્યું છે:

• સંગઠન સંયુક્ત સચિવ: રેખા શર્મા, અક્ષય શિંદે, પ્રેમ આકાશ, અનમ ઉઝમા અને બાલકૃષ્ણ શુક્લા

• રાષ્ટ્રીય પ્રવક્તા: સુધીર સાંગવાન અને સિદ્ધાંત ભારદ્વાજ

આ નવી નિમણૂકો સાથે જ કોકરોચ જનતા પાર્ટીએ આગામી રાજકીય પડકારો અને ચૂંટણીલક્ષી વ્યૂહરચનાઓ માટે પોતાની કમર કસી લીધી છે. સંગઠનને ધારદાર બનાવીને પાયાના વિસ્તારમાં પકડ જમાવવા તરફ CJP નું આ પગલું અત્યંત નિર્ણાયક માનવામાં આવી રહ્યું છે.