મુંબઈ,તા.૨૬: મુંબઈ-અમદાવાદ બુલેટ ટ્રેન પછી, મુંબઈ-પુણે-હૈદરાબાદ બુલેટ ટ્રેન માટેના પ્રયાસો પણ ઝડપી બન્‍યા છે. તેનો ડીપીઆર તૈયાર થઈ ગયો છે, અને આ હાઇ-સ્‍પીડ રેલ કોરિડોર પણ ધ્‍યાન કેન્‍દ્રિત કરી રહ્યો છે. મુંબઈ-અમદાવાદ બુલેટ ટ્રેન માટે ટ્રેક અને સ્‍ટેશનનું બાંધકામ પૂર્ણતાના આરે છે. દરમિયાન, મુંબઈથી બીજા રૂટ પર બુલેટ ટ્રેન માટેની તૈયારીઓ ઝડપી બની છે. આ મુંબઈ-પુણે-હૈદરાબાદ બુલેટ ટ્રેન રૂટ છે. નેશનલ હાઇ સ્‍પીડ રેલ કોર્પોરેશન લિમિટેડ (NHSRCL) એ પ્રોજેક્‍ટનો LiDAR સર્વે કર્યા પછી DPR તૈયાર કર્યો છે. આ કોરિડોરને દેશના સાત પ્રાથમિકતાવાળા બુલેટ ટ્રેન રૂટમાં સામેલ કરવામાં આવ્‍યો છે. રાજ્‍યોમાં જમીન સંપાદનના પ્રયાસો ચાલી રહ્યા છે. મુંબઈ-પુણે-હૈદરાબાદ બુલેટ ટ્રેન કોરિડોર દેશના પﾍમિ અને દક્ષિણ ભાગોના શહેરોને જોડશે. આ હાઇ-સ્‍પીડ રેલ કોરિડોરના મુખ્‍ય સ્‍ટોપ મુંબઈ, પુણે અને હૈદરાબાદ હશે. આ કોરિડોર ૭૧૧ થી ૭૬૭ કિમી લાંબો હોઈ શકે છે.

આનાથી મુંબઈથી હૈદરાબાદનો પ્રવાસ સમય ૧૫ કલાકથી ઘટીને ૪ કલાકથી ઓછો થઈ જશે. આ હાઇ-સ્‍પીડ રેલ મહારાષ્ટ્ર, કર્ણાટક અને તેલંગાણામાંથી પસાર થશે. પ્રારંભિક ડીપીઆર મુજબ, આ પ્રોજેક્‍ટનો ખર્ચ રૂ.૧.૫ થી રૂ.૨ લાખ કરોડની વચ્‍ચે થઈ શકે છે. મુંબઈ અને પુણે વચ્‍ચેના ૧૫૦-૧૮૦ કિમીના રૂટમાં મુંબઈ (બીકેસી, નવી મુંબઈ), લોનાવાલા, પિપરી-ચિચવડ અને પુણેના સ્‍ટેશનોનો સમાવેશ થાય છે. પુણે-હૈદરાબાદ બુલેટ ટ્રેન ૫૬૦-૫૯૦ કિમી લાંબી છે. આ રૂટ પુણે, સોલાપુર, કલબુર્ગી, ઝહીરાબાદ/વિકારાબાદ થઈને હૈદરાબાદ સુધીનો છે.

સંભવિત સ્‍ટેશનો

૧. મુંબઈ, નવી મુંબઈ

૨. લોનાવાલા

૩. પિપરી-ચિચવડ

૪. પુણે

૫. બારામતી

૬. પંઢરપુર

૭. સોલાપુર

૮. કાલાબુર્ગી, કર્ણાટક

૯. વિકારાબાદ, તેલંગાણા

૧૦. હૈદરાબાદ

બુલેટ ટ્રેન મુંબઈ અને પુણે વચ્‍ચેના ૧૫૦ કિલોમીટરના પ્રવાસના સમયને એક કલાક સુધી ઘટાડશે. આ મુંબઈના વ્‍યાપાર કેન્‍દ્ર અને પુણેના શિક્ષણ કેન્‍દ્રને જોડશે. આ લાઇન નવી મુંબઈ આંતરરાષ્ટ્રીય હવાઇમથક અને હૈદરાબાદના રાજીવ ગાંધી આંતરરાષ્ટ્રીય હવાઇમથક (શમશાબાદ) સાથે સીધી કનેક્‍ટિવિટી પ્રદાન કરશે. મહારાષ્ટ્રના સોલાપુર અને કર્ણાટકના કાલાબુર્ગીના ઔદ્યોગિક વિસ્‍તારોને પણ બુલેટ ટ્રેનનો લાભ મળશે, રોકાણ આકર્ષિત કરશે અને રોજગારીની તકો વધારશે.

સુરતથી બિલિમોરા સુધીનો પ્રથમ તબક્કો ૧૫ ઓગસ્‍ટ, ૨૦૨૭ ના રોજ ઉદ્ધાટન થવાનો છે. ૫૦૮ કિલોમીટર લાંબા બુલેટ ટ્રેન રૂટના ૪૫૩ કિલોમીટર સાથે પિયરનું બાંધકામ પૂર્ણ થઈ ગયું છે. ૩૫૯ કિમીના વાયડક્‍ટ્‍સ અથવા એલિવેટેડ ટ્રેક સ્‍ટ્રક્‍ચર્સ પૂર્ણ થઈ ગયા છે. પ્રોજેક્‍ટના ભાગ રૂપે ૧૭ નદીઓ પર પુલ અને ૧૫ સ્‍ટીલ પુલ બનાવવામાં આવ્‍યા છે. ટનલનું બાંધકામ પણ ઝડપથી ચાલી રહ્યું છે.

સાત હાઇ સ્‍પીડ રેલ કોરિડોર

દિલ્‍હી-વારાણસીઃ ૮૬૫ કિમીઃ નોઈડા, આગ્રા, કાનપુર, પ્રયાગરાજ, વગેરે.

મુંબઈ-પુણે-હૈદરાબાદઃ ૭૧૧-૭૬૭ કિમીઃ પુણે, સોલાપુર, કલાબુગી

હૈદરાબાદ-બેંગલુરુઃ ૬૧૦ કિમીઃ શમશાબાદ, મહબૂબનગર, કુર્નૂલ, અનંતપુર, બેંગલુરુ એરપોર્ટ, બેંગલુરુ

હૈદરાબાદ-ચેન્નઈઃ ૬૩૦-૬૬૦ કિમીઃ હૈદરાબાદ, નાલગોંડા, ગુંટુર, વિજયવાડા, નેલ્‍લોર, તિરુપતિ લિક, ચેન્નઈ

ચેન્નઈ-બેંગલુરુઃ ૩૫૦ કિમીઃ ચેન્નઈ, અરક્કોનમ, ચિત્તૂર, વેલ્‍લોર, બાંગરપેટ, બેંગલુરુ

દિલ્‍હી-વારાણસીઃ ૮૬૫ કિમીઃ દિલ્‍હી, નોઈડા એરપોર્ટ), અલીગઢ, આગ્રા, ઈટાવા, કાનપુર, લખનૌ, રાયબરેલી, પ્રયાગરાજ, વારાણસી

વારાણસી-સિલીગુડીઃ ૬૨૦-૬૫૦ કિમીઃ વારાણસી, બક્‍સર, પટના, કટિહાર કિશનગંજ, સિલીગુડી વગેરે.