નેપાળમાં ભયાનક પૂર પ્રકોપઃ ૧૦૦૦ લોકો તણાયા : જુઓ વિડીયો
તિબેટમાં આવેલા પૂરથી નેપાળમાં તબાહીનું તાંડવઃ અનેક ગામો સાફઃ હાઈડ્રોપાવર પ્રોજેક્ટ પણ તણાયો : નેપાળમાં તિબેટ સરહદે જાન-માલનું ભારે નુકસાનઃ પ્રારંભે ૧૩ના મોત નોંધાયાઃ ૨૮ પોલીસ કર્મચારી લાપત્તાઃ પૂલો તુટયા-ગાડીઓ તણાઈ ગઈઃ રાહત-બચાવ શરૂ
કાઠમંડુ,તા.૨૬: ચીનના તિબેટથી આવેલા અચાનક આવેલા પૂરે નેપાળના રાસુવા જિલ્લામાં ભારે વિનાશ મચાવ્યો છે. ભોટેકોશી નદીમાં અચાનક વધારો થવાથી તૈમુર અને સ્યાબ્રુબેસી વિસ્તારોમાં ઘણા ઘરો, બજારો અને અન્ય મિલકતોને નુકસાન થયું છે.બુધવારે વહેલી સવારે નેપાળના રાસુવા જિલ્લામાં ભોટેકોશી નદીમાં આવેલા પ્રચંડ પૂરને કારણે ભારે વિનાશ સર્જાયો હતો. પૂરના પાણીએ નદી કિનારાની વસાહતો અને અનેક મહત્વપૂર્ણ માળખાઓને નુકસાન પહોંચાડ્યું હતું. એક વિશાળ શોધ અને બચાવ કામગીરી શરૂ કરવામાં આવી હતી. બુધવારે સવારે ઉત્તર નેપાળમાં ભોટેકોશી નદીમાં અચાનક પૂર આવ્યું હતું, જેના કારણે રાસુવા જિલ્લાના અનેક નદી કિનારાના વિસ્તારો પ્રભાવિત થયા હતા. ઉત્તરગયા ગ્રામીણ મ્યુનિસિપાલિટીના ઉપાધ્યક્ષ ચમેલી ગુરુંગના જણાવ્યા અનુસાર, લગભગ એક ડઝન વસાહતો પ્રભાવિત થઈ હતી, જેમાં સ્યાફ્રુબેસી, બેત્રાવતી, મૈલુંગ, સાલેતર, શાંતિબજાર, પારેબેસી, ખલતી બસ્તી, સોલે, ત્રિશુલી અને બટ્ટરનો સમાવેશ થાય છે.
વહીવટીતંત્રે હજુ સુધી મૃત્યુ, ઇજાઓ અને મિલકતના નુકસાન અંગે સત્તાવાર આંકડા જાહેર કર્યા નથી. જોકે, સ્થાનિક અધિકારીઓ, રહેવાસીઓ અને સુરક્ષા એજન્સીઓ તરફથી મળેલી પ્રારંભિક માહિતી, ફોટોગ્રાફસ અને વીડિયો સાથે, વ્યાપક નુકસાન દર્શાવે છે. અત્યાર સુધીમાં, ૧૩ મૃતદેહો બહાર કાઢવામાં આવ્યા છે, અને બચાવ અને રાહત કામગીરી શરૂ કરવામાં આવી છે. કુદરતી આફતમાં ૧૦૦૦ થી વધુ લોકો વહી ગયા હોવાની આશંકા છે.
જોરદાર પ્રવાહમાં વાહનો અને સામાન તણાઈ ગયા હતા, અને એક પુલ પણ નાશ પામ્યો હતો. રાસુવામાં એક જળવિદ્યુત પ્રોજેક્ટ પણ તણાઈ ગયો હતો.તિબેટની સરહદે આવેલા પાલ ક્ષેત્રમાં અચાનક આવેલા પૂરના કારણે અનેક ગામડાઓ અને પ્રોજેક્ટ સ્થળો તબાહ થઈ ગયા હતા, જેના કારણે ૨૮ પોલીસકર્મીઓ ફસાયા હતા. અધિકારીઓએ ભારે જાનમાલના નુકસાનની આશંકા વ્યક્ત કરી હતી અને નદીની નજીક રહેતા લોકોને ઉંચી જમીન પર જવા વિનંતી કરી હતી.
સરકારી અધિકારીઓએ જણાવ્યું હતું કે રાસુવા પર્વતીય જિલ્લાના સ્યાપ્રુ બેસી અને તિમુર વિસ્તારો ખરાબ રીતે પ્રભાવિત થયા છે. તેમણે ભોટે કોશી નદી કિનારે રહેતા લોકોને પણ અત્યંત સાવધાની રાખવા વિનંતી કરી હતી.
વડાપ્રધાન બાલેન્દ્ર શાહે જણાવ્યું હતું કે પોલીસ અને સેના સાથે બચાવ અને રાહત ટીમો તૈનાત કરવામાં આવી છે. તેમણે કહ્યું, નીચાણવાળા વિસ્તારોમાં રહેતા લોકોને સ્થળાંતર કરવા માટે સૂચનાઓ જારી કરવામાં આવી છે. એક સરકારી નિવેદનમાં, સરકારે કહ્યું, નદી કિનારાની નજીક રહેતા લોકોને અત્યંત સાવધાની રાખવા અને સતર્ક રહેવાની સલાહ આપવામાં આવે છે.
પૂરને કારણે અઠ્ઠાવીસ સુરક્ષા કર્મચારીઓ ગુમ થયા છે. જે ૨૮ સુરક્ષા કર્મચારીઓનો સંપર્ક થઈ શકતો નથી, તેમાંથી ૧૯ નેપાળ પોલીસના છે અને નવ સશષ પોલીસ દળ (APF)ના છે.
બાગમતી પ્રાંતીય પોલીસ કાર્યાલય અનુસાર, રાસુવાગઢી પોલીસ ચોકી પર તૈનાત ૨૨ પોલીસ કર્મચારીઓમાંથી ૧૩ સંપર્ક થઈ શકતો નથી, જ્યારે નવનો સંપર્ક થઈ શકે છે. સ્યાબ્રુબેસી વિસ્તારમાં નવ પોલીસ કર્મચારીઓમાંથી, ત્રણનો સંપર્ક થઈ શકે છે, જ્યારે છનો સંપર્ક થઈ શકે તેમ નથી.
એ જ રીતે, તૈમુર બોર્ડર આઉટપોસ્ટ (BOP) પર તૈનાત નવ CRPF કર્મચારીઓ પણ સંપર્કથી બહાર છે.
ભોટે કોશી નદી તિબેટમાં ઉદ્વવે છે અને નેપાળમાં ત્રિશુલી નદીમાં જોડાય છે, જે પછી ગંડક નદી તરીકે ભારતમાં વહે છે. ગયા વર્ષે ભોટે કોશી નદીમાં આવેલા પૂરમાં નવ લોકો માર્યા ગયા હતા અને ૨૪ ગુમ થયા હતા. નેપાળ અને ચીનને જોડતો મિત્રતા પુલ પણ ધોવાઈ ગયો હતો, જેના કારણે ઘણા મહિનાઓ સુધી પરિવહન અને વેપાર ખોરવાઈ ગયો હતો.
અમને ગામડાઓ અને માળખાગત સુવિધાઓ પ્રોજેક્ટ સ્થળો ધોવાઈ ગયા હોવાના અહેવાલો મળ્યા છે, જિલ્લા વહીવટકર્તા નરેન્દ્ર પરિયારે રોઇટર્સને જણાવ્યું. તેમણે ઉમેર્યું હતું કે જાનમાલના નુકસાનનો કોઈ ચોક્કસ અંદાજ ઉપલબ્ધ નથી. જાનમાલનું નોંધપાત્ર નુકસાન થઈ શકે છે, પરંતુ હું હાલમાં ખાતરી સાથે કંઈ કહી શકતો નથી, તેમણે કહ્યું. અત્યાર સુધીમાં ૧૩ લોકોના મોત થયા છે. તૈમુર સરહદ ચોકી પર તૈનાત નવ પોલીસકર્મીઓ ગુમ થયાના અહેવાલ છે. ૨૫ લોકોને બચાવી લેવામાં આવ્યા છે, અને ૧૪ હેલિકોપ્ટર બચાવ કામગીરીમાં સામેલ છે.
પૂરની અસરને કારણે બિહારમાં પણ ચેતવણી જારી કરવામાં આવી છે. પﾍમિ ચંપારણ, પૂર્વ ચંપારણ, ગોપાલગંજ, સારણ, મુઝફફરપુર, વૈશાલી, સીતામઢી અને શિવહર જિલ્લાઓ હાઇ એલર્ટ પર છે. ડિઝાસ્ટર મેનેજમેન્ટ વિભાગે ગંડક નદીમાં આશરે ૩ મીટર ઊંચા પૂરના મોજાની આગાહી કરી છે.
પૂરના પાણીમાં હેલિપેડ ધોવાઈ ગયું, જેના કારણે બચાવ હેલિકોપ્ટર પરત ફરવું પડ્યું.
રાસુવાના તિમુરેમાં ફસાયેલા લોકોને બચાવવા માટે મોકલવામાં આવેલ હેલિકોપ્ટર ઉતરાણ કર્યા વિના કાઠમંડુ પરત ફર્યું. સ્થાનિક હેલિપેડ પૂરના પાણીમાં ધોવાઈ ગયું હતું, જેના કારણે પાઇલટ સુરક્ષિત ઉતરાણ સ્થળ શોધી શક્યો નહીં.
પાયલોટે કાઠમંડુ પોસ્ટને જણાવ્યું હતું કે તિમુરે ગામનો મોટો ભાગ ઉપરથી અદ્રશ્ય હતો. તેમણે કહ્યું કે ત્રિશુલી નદીનું પાણી અચાનક ઝડપથી વધી ગયું, જાણે કોઈ અવરોધિત નદી અચાનક ફાટી નીકળી હોય.
(3:02 PM IST)
છેલ્લા 8 દિવસમાં સૌથી લોકપ્રિય 
