છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
કોકથી પિઝ્ઝા અને સ્ટેક સુધીઃ જાણો ટ્રમ્પની ચોંકાવનારી ડાયેટ
ડાયેટ કોક, બર્ગર, પિઝ્ઝા, ફ્રાઈડ ચિકન અને સારી રીતે પકાવેલું મીટ તેમની પસંદગીમાં સામેલ હોવાનું કહેવાય છે
નવી દિલ્હીઃ અમેરિકી રાષ્ટ્રપતિ ટ્રમ્પની ખાવા-પીવાની આદતોમાં સૌથી વધુ ચર્ચા ડાયેટ કોક ની થાય છે. તેમના પ્રથમ રાષ્ટ્રપતિ કાર્યકાળ દરમિયાન વ્હાઇટ હાઉસમાં ડાયેટ કોક પીવાની તેમની આદત ખૂબ જાણીતી બની હતી. કેટલાક રિપોર્ટ્સ અનુસાર, તેઓ એક દિવસમાં મોટી સંખ્યામાં ડાયેટ કોક પીતા હતા અને એક સમયે ૧૨ કેન સુધી પીધા હોવાનો પણ ઉલ્લેખ મળે છે. ટ્રમ્પની ફૂડ લિસ્ટમાં માત્ર ડાયેટ કોક જ નહીં, પરંતુ અનેક પ્રકારના ફાસ્ટ ફૂડ પણ સામેલ હોવાનું રિપોર્ટ્સમાં જણાવાયું છે. તેમના પૂર્વ સહયોગીઓના જણાવ્યા પ્રમાણે KFC, McDonald's, પિઝ્ઝા અને ડાયેટ કોક તેમની જાણીતી પસંદગીઓમાં સામેલ રહ્યા છે.
તેમના કેટલાક જાણીતા ફૂડ ઓર્ડરમાં ફિલેટ-ઓ-ફિશ સેન્ડવિચ અને અન્ય ફાસ્ટ ફૂડ પણ સામેલ હોવાનું જણાવાયું છે. ટ્રમ્પને મીઠાઈ પણ પસંદ હોવાનું વિવિધ અહેવાલોમાં સામે આવ્યું છે. વ્હાઇટ હાઉસના ડિનર દરમિયાન તેમને બે સ્કૂપ આઈસ્ક્રીમ આપવામાં આવતી હોવાનો ઉલ્લેખ અગાઉના રિપોર્ટ્સમાં થયો છે. ટ્રમ્પની ફૂડ ચોઇસમાં સ્ટેકનું પણ ખાસ સ્થાન હોવાનું અહેવાલોમાં જણાવાયું છે. તેમના પૂર્વ બટલરે જણાવ્યું હતું કે તેઓ સ્ટેક સારી રીતે પકાવેલું પસંદ કરે છે અને તેના સાથે કેચપ લેવાનું પસંદ કરે છે. ટ્રમ્પના આ ખાવાના અંદાજમાં શાકભાજીની માત્રા ઓછી હોવાનું પણ કેટલાક મીડિયા રિપોર્ટ્સમાં જણાવાયું છે. પરંતુ રિપોર્ટ્સ અનુસાર ટ્રમ્પના આહારમાં શાકભાજી સામેલ કરવી હોય ત્યારે તેને તેમની પસંદગીની અન્ય વસ્તુઓ સાથે મિક્સ કરવામાં આવતી હતી.
(3:09 PM IST)
