ઈશ્વરિયા:બ્રિટનના લિસેસ્ટર સ્થિત શ્રી સનાતન મંદિરમાં આગામી રવિવારથી શ્રીમદ્ ભાગવત સપ્તાહ જ્ઞાનયજ્ઞનું ભવ્ય આયોજન કરવામાં આવ્યું છે. આ કથામાં વ્યાસાસને જાણીતા કથાકાર હાર્દિકભાઈ જોષી બિરાજીને શ્રદ્ધાળુઓને ભાગવત કથાગાનનું રસપાન કરાવશે.

વિદેશની ધરતી પર સનાતન ધર્મનો મહિમા પ્રસરાવતા કથાકાર હાર્દિકભાઈ જોષી એ ભાઈશ્રી રમેશભાઈ ઓઝાના શિષ્ય અને સાંદિપની વિદ્યાનિકેતનના ઋષિકુમાર છે. તેમના મુખારવિંદથી વહેનારી આ કથામાં બ્રિટનમાં વસતા મોટી સંખ્યામાં ભાવિક ભક્તો જોડાશે.

શ્રી સનાતન મંદિર ખાતે યોજાનાર આ શ્રીમદ્ ભાગવત કથાનો પ્રારંભ આગામી રવિવાર, તા. ૨૭ થી થશે અને શનિવાર, તા. ૩ ના રોજ કથાની પૂર્ણાહુતિ થશે. આ ધાર્મિક મહોત્સવને લઈને લિસેસ્ટરના સનાતન ધર્મપ્રેમી નાગરિકો અને હરિભક્તોમાં ભારે ઉત્સાહ જોવા મળી રહ્યો છે. (અહેવાલ - મુકેશ પંડિત)