ભારતના બાર જ્યોતિર્લિંગોમાં પ્રથમ એવા સોમનાથ મંદિરના પુનઃનિર્માણને 75 વર્ષ પૂર્ણ થઈ રહ્યા છે. આ ઐતિહાસિક અવસરે વડાપ્રધાન નરેન્દ્રભાઈ મોદી આગામી 11 મે ના રોજ સોમનાથની મુલાકાત લેવાના છે. પોતાની આ યાત્રા પૂર્વે વડાપ્રધાને સોશિયલ મીડિયા પર એક વિશેષ પોસ્ટ કરી છે અને સોમનાથ મંદિરને લઈને એક પત્ર પણ લખ્યો છે.

વડાપ્રધાને તેમના પત્રમાં સોમનાથ મંદિરના ગૌરવશાળી ઇતિહાસ અને તેના પુનઃનિર્માણ માટે થયેલા સંઘર્ષને યાદ કર્યો છે.

સૌભાગ્યશાળી પળ: PM મોદીએ જણાવ્યું કે 11 મેના રોજ સોમનાથ મહાદેવના દર્શન કરવાનું તેમને સૌભાગ્ય પ્રાપ્ત થશે.

75 વર્ષની ઉજવણી:આ યાત્રા મંદિર નિર્માણના 75 વર્ષ પૂર્ણ થવાના ખાસ અવસરે યોજાઈ રહી છે.

સંઘર્ષની સ્મૃતિ: વડાપ્રધાને ઉલ્લેખ કર્યો કે મંદિરની રક્ષા અને તેના પુનઃનિર્માણ માટે પૂર્વજોએ મોટો સંઘર્ષ કરવો પડ્યો હતો.

પ્રેરણાનું પ્રતીક: સોમનાથ મંદિર ભારતની અસ્મિતા અને અતૂટ શ્રદ્ધાનું પ્રતીક છે, જે આપણને સતત તે સંઘર્ષની યાદ અપાવે છે.

આમ સોમનાથ મંદિરના પુનઃનિર્માણના 75 વર્ષ પૂર્ણ થઈ રહ્યા છે, ત્યારે વડાપ્રધાનની આ મુલાકાત અત્યંત મહત્વની માનવામાં આવી રહી છે.

વડાપ્રધાન નરેન્દ્રભાઈ મોદી 11 મેના રોજ સોમનાથ મંદિરના પુનઃનિર્માણને 75 વર્ષ પૂર્ણ થવાના અવસરે આયોજિત 'સોમનાથ સ્વાભિમાન પર્વ'માં વિશેષ હાજરી આપશે. સોમનાથના આ ઐતિહાસિક કાર્યક્રમમાં સહભાગી થયા બાદ વડાપ્રધાન વડોદરાની પણ મુલાકાત લેશે, જ્યાં તેમના હસ્તે સરદારધામનું ભવ્ય લોકાર્પણ કરવામાં આવશે.