અમેરિકી આફ્રિકા કમાન્ડે સોમવાર ૧૮ મેના  રોજ ઉત્તર પૂર્વ નાઇજીરીયામાં આતંકવાદી જૂથના પ્રશિક્ષણ કેમ્પ પર લક્ષ્યાંકિત હુમલાઓની જાહેરાત કરી છે. ગયા સપ્તાહની સફળ કામગીરી બાદ આતંકવાદી સંગઠનના સ્થાનો પર આ સતત બીજી મોટી અને અત્યંત આક્રમક સૈન્ય કાર્યવાહી છે.

પ્રાપ્ત માહિતી અનુસાર અમેરિકન આફ્રિકા કમાન્ડે સત્તાવાર રીતે જાહેર કર્યું છે કે અમેરિકન દળોએ નાઇજિરિયન આર્મીના સંકલનમાં સોમવારના રોજ ઉત્તર પૂર્વીય નાઇજીરીયામાં આતંકવાદી સંગઠન આઈએસઆઈએસના પ્રશિક્ષણ કેમ્પ પર  શ્રેણીબદ્ધ હુમલાઓ કર્યા હતા. 

નાઇજીરીયામાં આતંકવાદી સ્થાનો સામે આ બીજો મોટો હુમલો છે. અગાઉ ગયા અઠવાડિયે અમેરિકા અને નાઇજીરીયાના વિશેષ દળો દ્વારા અત્યંત ગુપ્ત સંયુક્ત ઓપરેશન હાથ ધરવામાં આવ્યું હતું. આ ઓપરેશનમાં દળોને મોટી સફળતા મળી હતી જેમાં આતંકવાદી સંગઠનના વૈશ્વિક ઓપરેશન્સના ડાયરેક્ટર અબુ બિલાલ અલ મિનુકી સહિત અનેક મોટા અને ખતરનાક આતંકવાદી નેતાઓને સફળતાપૂર્વક ખતમ કરી દેવામાં આવ્યા હતા. આ શ્રેણીબદ્ધ હુમલાઓ સ્પષ્ટપણે દર્શાવે છે કે આફ્રિકન ખંડમાં આતંકવાદને જડમૂળથી ડામવા માટે અમેરિકા અને તેના સાથી દેશો સંપૂર્ણપણે પ્રતિબદ્ધ છે. 

━━━━━━━━━━━━━━━━━━━━━━━━━━━━━━━━