અમેરિકાના ઉત્તરપૂર્વ ઓહિયો રાજ્યના એક્રોન શહેરમાં એક નાનો વિમાન રહેણાંક મકાન સાથે અથડાતા ભયંકર અકસ્માત સર્જાયો હતો, જેમાં બે લોકોના મોત નિપજ્યા છે. આ ઘટના ગુરુવાર બપોરે (14 મે 2026) સ્થાનિક સમય મુજબ અંદાજે 3:45 વાગ્યે કેન્ટરબરી સર્કલ વિસ્તારમાં બની હતી. વિમાનમાં સવાર બંને વ્યક્તિઓના ઘટનાસ્થળે જ મોત થયા હતા.

વિમાન અથડાતા જ રહેણાંક મકાનમાં ભીષણ આગ લાગી હતી. જોકે રાહતની વાત એ રહી કે મકાનમાં રહેલા પરિવાર—એક દંપતી અને તેમના બાળકો—સમયસર બહાર નીકળી જતા સુરક્ષિત રહ્યા હતા.

આ ઘટનાની તપાસ અમેરિકાની ફેડરલ એવિએશન એડમિનિસ્ટ્રેશન (FAA) અને નેશનલ ટ્રાન્સપોર્ટેશન સેફ્ટી બોર્ડ (NTSB) દ્વારા શરૂ કરવામાં આવી છે.