વૃંદાવન તા.૨૫: ભારતીય ક્રિકેટર અભિષેક શર્મા સાથે વૃંદાવનમાં એક વિચિત્ર ઘટના બની. બાંકે બિહારી મંદિરમાં દર્શન કરવા પહોંચેલા અભિષેક શર્માના ચપ્પલ મંદિર બહારથી ગાયબ થઈ ગયા.

અભિષેક શર્મા શનિવારે વૃંદાવનના પ્રસિદ્ધ બાંકે બિહારી મંદિરે દર્શન માટે ગયો હતો. દર્શન કરીને બહાર આવ્યા બાદ તેણે જોયું તો મંદિર બહાર ઉતારેલા તેના ચપ્પલ ગાયબ હતા. આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

વીડિયોમાં અભિષેક શર્મા મંદિર બહાર ઉઘાડા પગે જોવા મળી રહ્યો છે. આસપાસના લોકો તેની મદદે આવ્યા અને બાદમાં તેને નવા ચપ્પલની વ્યવસ્થા કરી આપવામાં આવી.

બાંકે બિહારી મંદિરમાં ભીડના કારણે વારંવાર ચપ્પલ-બૂટ ચોરાવાની ઘટનાઓ બનતી રહે છે. ક્રિકેટર સાથે બનેલી આ ઘટનાની ચર્ચા હવે સોશિયલ મીડિયા પર જોરશોરથી થઈ રહી છે.