મુંબઈ,તા.૨૭: કલ્‍યાણના એક ઢાબામાં દારૂ પીધા પછી એક મહિલાએ તેના જમવાના ટેબલની પાસે જ જાહેરમાં પેશાબ કર્યો હતો. એવું નહોતું કે એ ઢાબામાં વોશરૂમની ફેસિલિટી નહોતી. એમ છતાં તે મહિલાએ બાજુમાં જ અન્‍ય ટેબલ પર બેસીને લોકો જમી રહ્યા હોવા છતાં જાહેરમાં પેશાબ કર્યો હતો. એ પછી ઢાબાના સ્‍ટાફે અને અન્‍ય લોકોએ એ બાબતે વાંધો ઉઠાવતાં તે મહિલા તેમની સાથે થોડીઘણી દલીલ કરીને ત્‍યાંથી નીકળી ગઈ હતી. ત્‍યાર બાદ હોટેલનો સ્‍ટાફ હોટેલના મેનેજરને બોલાવી લાવે છે અને તે ગંદકી જોઈને સ્‍ટાફને એ સાફ કરવા જણાવે છે. સોશ્‍યલ મીડિયા પર મુકાયેલો એ વિડિયો જોઈને અનેક જણે તે મહિલાના કૃત્‍યને વખોડ્‍યું હતું. એટલું જ નહીં, કેટલાકે એવો વિડિયો પોસ્‍ટ કરવા બદલ કહ્યું હતું કે આવો વિડિયો શા માટે પોસ્‍ટ જોઈએ.