નવી દિલ્‍હીઃ તા.૨૨: બિહારના જમુઈમાં બનેલી શરમજનક ઘટના બાદ, દિલ્‍હીમાં કાલકાજી મંદિર પાસે એક સગીર છોકરી પર સામૂહિક બળાત્‍કારનો મામલો હવે પ્રકાશમાં આવ્‍યો છે. દિલ્‍હીમાં કાલકાજી મંદિર પાસે પોલીસ તરીકે રજૂ થયેલા ત્રણ પુરુષોએ ૧૭ વર્ષની છોકરી પર સામૂહિક બળાત્‍કાર કર્યો. પીડિતા મંદિરમાં દર્શન કર્યા પછી એક મિત્ર સાથે પાર્કમાં બેઠી હતી. ઘટનાની માહિતી મળતાં, પોલીસ એક્‍શનમાં આવી ગઈ અને ગોળીબાર બાદ  એક આરોપીની ધરપકડ કરી.

દિલ્‍હી પોલીસે જણાવ્‍યું કે મંગળવારે સવારે ગોળીબાર બાદ એક આરોપીની ધરપકડ કરવામાં આવી છે. ધરપકડ કરાયેલ આરોપીનું નામ આસિફ છે. પોલીસે આરોપી પાસેથી ગેરકાયદેસર પિસ્‍તોલ અને મોટરસાઇકલ જપ્ત કરી છે. પોલીસ આ કેસની વધુ તપાસ કરી રહી છે અને બે વધુ આરોપીઓને શોધવાનો પ્રયાસ કરી રહી છે.

અહેવાલ મુજબ, સોમવારે સાંજે કાલકાજી મંદિર પાસે આસ્‍થા કુંજ પાર્કમાં ૧૭ વર્ષની એક છોકરી પર ગેંગરેપ કરવામાં આવ્‍યો હતો. પીડિતાએ આરોપ લગાવ્‍યો છે કે દિલ્‍હી પોલીસ અધિકારી હોવાનો દાવો કરતા ત્રણ યુવાનોએ તેને અને તેના મિત્રને ધમકી આપી હતી. ત્‍યારબાદ તેની સાથે ગેંગરેપ કરવામાં આવ્‍યો હતો. પીડિતાની ફરિયાદના આધારે પોલીસે જ્‍ત્‍ય્‍ નોંધી છે અને આરોપીઓની ઓળખ કરી છે.

પોલીસના જણાવ્‍યા અનુસાર, પીડિતા દક્ષિણ દિલ્‍હીમાં તેના પરિવાર સાથે રહે છે. સોમવારે સાંજે ૭:૩૦ વાગ્‍યાની આસપાસ કાલકાજી મંદિરમાં દર્શન કર્યા પછી તે તેના મિત્ર સાથે આસ્‍થા કુંજ પાર્ક પહોંચી હતી. આરોપ છે કે થોડા સમય પછી ત્રણ યુવાનો ત્‍યાં પહોંચ્‍યા અને તેમને રોક્‍યા. તેઓએ પોતાને પોલીસ અધિકારી તરીકે રજૂ કર્યા અને તેમને કાર્યવાહીની ધમકી આપીને ડરાવી દીધા. એવો આરોપ છે કે એક યુવકે છોકરીના મિત્રને પકડી રાખ્‍યો હતો, જ્‍યારે બે અન્‍ય લોકોએ તેના પર બળાત્‍કાર કર્યો હતો. ઘટના બાદ ત્રણેય ભાગી ગયા હતા.

રાત્રે લગભગ ૮:૪૫ વાગ્‍યે ઘટનાની માહિતી મળ્‍યા બાદ, કાલકાજી પોલીસ સ્‍ટેશન તાત્‍કાલિક ઘટનાસ્‍થળે પહોંચી ગયું હતું અને પીડિત કિશોરીનું તબીબી પરીક્ષણ કરવામાં આવ્‍યું હતું. સંયુક્‍ત પોલીસ ટીમો પાર્ક અને આસપાસના વિસ્‍તારોમાં લગાવેલા સીસીટીવી કેમેરાના ફૂટેજની તપાસ કરી રહી છે. ઘટના સમયે વિસ્‍તારમાં સક્રિય મોબાઇલ નંબરોનો ડેટા પણ એકત્રિત કરવામાં આવી રહ્યો છે.