નવી દિલ્‍હી તા.૧: પેટ્રોલ, ડીઝલ અને સીએનજી પછી તેલ કંપનીઓએ હવે એલપીજી સિલિન્‍ડરના ભાવમાં વધારો કર્યો છે. કોમર્શિયલ એલપીજી સિલિન્‍ડરના ભાવમાં પ્રતિ સિલિન્‍ડર રૂા. ૪૨ સુધીનો વધારો કરવામાં આવ્‍યો છે. ૫ કિલોગ્રામના ફ્રી ટ્રેડ એલપીજી (FTL) સિલિન્‍ડરના ભાવમાં પણ ?૧૧નો વધારો કરવામાં આવ્‍યો છે. દિલ્‍હીમાં, તેની કિમત હવે રૂા. ૮૨૧.૫૦ છે. રાજધાનીમાં, ૧૯ કિલોગ્રામના કોમર્શિયલ એલપીજી સિલિન્‍ડરનો ભાવ પ્રતિ સિલિન્‍ડર રૂા. ૩,૧૧૩.૫૦ થયો છે. કોલકાતામાં, ૧૯ કિલોગ્રામના કોમર્શિયલ એલપીજી સિલિન્‍ડરનો ભાવ પ્રતિ સિલિન્‍ડર રૂા. ૩,૨૫૫.૫૦ થયો છે. ૧૪.૨ કિલોગ્રામના ઘરેલુ એલપીજી સિલિન્‍ડરના ભાવમાં કોઈ ફેરફાર કરવામાં આવ્‍યો નથી.

કોમર્શિયલ ગેસ સિલિન્‍ડરના ભાવમાં વધારો હોટલ, ઢાબા, રેસ્‍ટોરાં, લગ્ન અને પાર્ટી કેટરર્સ અને અન્‍ય ખાદ્ય વ્‍યવસાયોના બજેટ પર સીધી અસર કરશે. તેઓ વધેલા ખર્ચનો બોજ ગ્રાહકો પર નાખી શકે છે, જેના કારણે હોટલ અને રેસ્‍ટોરાંમાં ખાદ્ય પદાર્થોના ભાવમાં વધારો થવાની સંભાવના છે.

આ વર્ષે સતત સાતમા વર્ષે કોમર્શિયલ ૧૯ કિલોગ્રામના સિલિન્‍ડરની કિમતમાં વધારો થયો છે. આનાથી દિલ્‍હીમાં કોમર્શિયલ ગેસ સિલિન્‍ડરની કિમત રૂ.૩૧ થી વધુ થઈ ગઈ છે. નોંધનીય છે કે, આ છ મહિનામાં કોમર્શિયલ ગેસ સિલિન્‍ડરની કિમત રૂ.૧૫૩૩ અથવા લગભગ ૯૭% વધી છે. મધ્‍ય પૂર્વમાં તણાવ અને હોર્મુઝ સ્‍ટ્રેટ બંધ થવાને કારણે, ઇંધણ અને LPG ની સતત અછત જોવા મળી રહી છે. આ જ કારણ છે કે ૧૯ કિલોગ્રામના સિલિન્‍ડરના ભાવમાં સતત વધારો થઈ રહ્યો છે.

દિલ્‍હીમાં છ મહિનામાં સતત સાતમી વખત ૧૯ કિલોગ્રામના કોમર્શિયલ LPG સિલિન્‍ડરના ભાવમાં વધારો થયો છે. આંકાડ અનુસાર વાત કરીએતો જૂનમાં, દિલ્‍હીમાં ૧૯ કિલોગ્રામના સિલિન્‍ડરના ભાવમાં રૂ.૪૨નો વધારો થયો હતો, જેના કારણે કિમત રૂ.૩૧૧૩.૫૦ થઈ હતી. કોલકાતામાં ૧૯ કિલોગ્રામના LPG સિલિન્‍ડરના ભાવમાં રૂ.૫૩.૫૦નો વધારો થયો હતો, જેના કારણે કિમત રૂ.૩૨૫૫.૫૦ થઈ હતી. નોંધપાત્ર રીતે, આ છ મહિનામાં, દિલ્‍હીમાં કોમર્શિયલ ગેસ સિલિન્‍ડરના ભાવમાં રૂ.૧૫૩૩ અથવા ૯૭%નો વધારો થયો છે, જે આ પહેલાં ક્‍યારેય જોવા મળ્‍યો નથી.

ઘરેલુ ગેસ સિલિન્‍ડર ધારકોને મોટી રાહત મળી છે. અહેવાલ મુજબ, ઘરેલુ ગેસ સિલિન્‍ડરના ભાવમાં કોઈ ફેરફાર થયો નથી. પરિણામે, રાષ્ટ્રીય રાજધાની દિલ્‍હીમાં ઘરેલુ ન્‍ભ્‍ઞ્‍ની કિમત રૂ.૯૧૩, કોલકાતામાં રૂ.૯૩૯, મુંબઈમાં રૂ.૯૧૨.૫૦ અને ચેન્નાઈમાં રૂ.૯૨૮.૫૦ છે. ઘરેલુ ગેસ સિલિન્‍ડરના ભાવમાં છેલ્‍લો ફેરફાર ૭ માર્ચે થયો હતો, જ્‍યારે ઘરેલુ ગેસ સિલિન્‍ડરના ભાવમાં રૂ.૬૦નો વધારો થયો હતો. બીજી તરફ, નાના સિલિન્‍ડર એટલે કે ૫ કિલોગ્રામના સિલિન્‍ડરના ભાવમાં પણ વધારો જોવા મળ્‍યો છે. ANI ની X પરની પોસ્‍ટ મુજબ, દિલ્‍હીમાં નાના સિલિન્‍ડરના ભાવમાં રૂ.૧૧નો વધારો થયો છે, જેના કારણે ફ્રી ટ્રેડ LPGની કિમત રૂ.૮૨૧.૫૦ થઈ ગઈ છે. આ કિમતો આજથી અમલમાં આવી છે.

પહેલાં, ૧ મેના રોજ, ૧૯ કિલોગ્રામના કોમર્શિયલ સિલિન્‍ડરના ભાવમાં વધારો કરવામાં આવ્‍યો હતો. તેલ કંપનીઓએ તેની કિમતમાં રૂા. ૯૯૩નો જંગી વધારો કર્યો હતો. ત્‍યારબાદ દિલ્‍હીમાં કોમર્શિયલ સિલિન્‍ડરનો ભાવ રૂા.  ૨,૦૭૮.૫૦ થી વધીને રૂા.  ૩,૦૭૧.૫૦ થયો હતો. ૫ કિલોગ્રામના છોટુ સિલિન્‍ડરના ભાવમાં પણ રૂા.  ૨૬૧નો વધારો કરવામાં આવ્‍યો હતો.

રવિવારે, સરકારે પેટ્રોલ, ડીઝલ અને ઉડ્ડયન બળતણ પર નિકાસ ડ્‍યુટીમાં ઘટાડો કરવાની જાહેરાત કરી હતી. નવા દરો આજથી અમલમાં આવ્‍યા છે. પેટ્રોલની નિકાસ પર ડ્‍યુટી રૂા. ૧.૫ પ્રતિ લિટર નક્કી કરવામાં આવી છે. ડીઝલની નિકાસ પર ડ્‍યુટી રૂા. ૧૩.૫ પ્રતિ લિટર રાખવામાં આવી છે. ઉડ્ડયન બળતણ (ATF) ની નિકાસ પર ડ્‍યુટી રૂા. ૯.૫ પ્રતિ લિટર નક્કી કરવામાં આવી છે. જોકે, સ્‍થાનિક વપરાશ માટે પેટ્રોલ અને ડીઝલ પર હાલના એક્‍સાઇઝ ડ્‍યુટી દરોમાં કોઈ ફેરફાર કરવામાં આવ્‍યો નથી. આનો અર્થ એ થયો કે દેશની અંદર ઇંધણ ખરીદનારાઓ પર કોઈ અસર થશે નહીં