ઈરાન અને અમેરિકા વચ્ચેના સંબંધોમાં ફરી એકવાર મોટી તિરાડ પડી છે. ઈરાની મીડિયા અને સત્તાવાર સૂત્રોના જણાવ્યા અનુસાર, હવે અમેરિકા સાથે ભવિષ્યમાં કોઈપણ પ્રકારની શાંતિ વાટાઘાટો કરવાનો ઈરાનનો કોઈ ઈરાદો નથી. 

ઈરાને અમેરિકા પર ગંભીર આક્ષેપો લગાવતા સ્પષ્ટ કર્યું છે કે અમેરિકી પ્રતિનિધિમંડળ વાટાઘાટોમાં ક્યારેય ગંભીર નહોતું અને તેમને માત્ર મંત્રણા અધવચ્ચેથી છોડી દેવા માટે એક બહાનાની તલાશ હતી. 

આ ઘટનાક્રમ બાદ બંને દેશો વચ્ચે તણાવ વધુ ઘેરો બનવાની શક્યતા છે. શાંતિ કરાર અંગે લાંબા સમયથી ચાલી રહેલી ચર્ચાઓ પર હવે પૂર્ણવિરામ મુકાઈ ગયું છે.

ઈરાનના આ કડક વલણ બાદ મંત્રણાઓ સત્તાવાર રીતે નિષ્ફળ ગઈ હોવાનું સ્પષ્ટ થઈ ગયું છે.