ઈરાન સાથેના તાજેતરના યુદ્ધને સમાપ્ત કરવા માટે શાંતિ મંત્રણા ચાલી રહી છે, ત્યારે બીજી તરફ પેન્ટાગોન દ્વારા ક્યુબામાં લશ્કરી હસ્તક્ષેપની ગુપ્ત તૈયારીઓ તેજ કરી દેવામાં આવી છે.

યુએસએ ટુડેના અહેવાલ અને સૂત્રોના જણાવ્યા અનુસાર, અમેરિકાના સંરક્ષણ વિભાગ પેન્ટાગોન દ્વારા ક્યુબામાં સંભવિત સૈન્ય ઓપરેશન માટેની યોજનાઓ ગુપ્ત રીતે વેગવંતી બનાવવામાં આવી રહી છે. હાલમાં એક તરફ ઈરાન યુદ્ધને લઈને શાંતિ વાટાઘાટો ચાલી રહી છે, ત્યારે બીજી તરફ અમેરિકન લશ્કર ક્યુબા પર ધ્યાન કેન્દ્રિત કરી રહ્યું છે. 

જો રાષ્ટ્રપતિ ડોનાલ્ડ જે. ટ્રમ્પ દ્વારા ક્યુબામાં લશ્કરી હસ્તક્ષેપ કરવાનો કોઈ પણ આદેશ આપવામાં આવે, તો તેને તાત્કાલિક પહોંચી વળવા માટે આ તૈયારીઓ કરવામાં આવી રહી છે. આ બાબતથી પરિચિત સૂત્રોએ પુષ્ટિ કરી છે કે સૈન્ય આયોજન પહેલેથી જ સક્રિયપણે શરૂ થઈ ગયું છે.