<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 16th November 2026

ચિન સાથેની મેગા સમિટ પહેલા ફિલિપાઇન્સના મનીલા ખાતે યોજાનારી ક્વાડ બેઠકમાં પીએમ મોદી વૈશ્વિક નેતાઓને મળશે

યુએસ પ્રમુખ ડોનાલ્ડ ટ્રમ્પ અને અન્ય સહયોગી નેતાઓ સાથેની આ બેઠક ભારતની એક્ટ ઇસ્ટ નીતિ અને આંતરરાષ્ટ્રીય વ્યૂહરચનાના સંદર્ભમાં અત્યંત મહત્વપૂર્ણ માનવામાં આવી રહી છે.

મનીલા : ભારતના વડાપ્રધાન નરેન્દ્રભાઈ મોદી ફિલિપાઇન્સના રાષ્ટ્રપતિના આમંત્રણ પર બે દિવસીય સત્તાવાર મુલાકાતે સોમવારે રાજધાની મનીલા પહોંચી ગયા છે, જ્યાં તેઓ આગામી આંતરરાષ્ટ્રીય શિખર સંમેલનોમાં ભાગ લેશે.

 

આ પ્રવાસ દરમિયાન વડાપ્રધાન મંગળવારે ૨૩મા ભારત-આસિયાન સમિટમાં સક્રિયપણે ભાગ લેશે અને ત્યારબાદ ૨૧મા પૂર્વ એશિયા સમિટના ઉદ્ઘાટન સત્રને વિશેષ સંબોધન કરશે.

 

આ મહત્વપૂર્ણ બેઠકોની સાથે જ તેઓ અમેરિકી પ્રમુખ ડોનાલ્ડ ટ્રમ્પ, જાપાનના વડા પ્રધાન સના તાકાચી અને ઓસ્ટ્રેલિયન વડા પ્રધાન એન્થોની અલ્બેનીસ સાથે ઉચ્ચ સ્તરીય ક્વાડ નેતાઓની બેઠકમાં જોડાશે.

 

ચીન સાથેની સંભવિત મેગા સમિટ પહેલા યોજાનારી આ ક્વાડ બેઠકને વૈશ્વિક રાજકારણ અને ક્ષેત્રીય સુરક્ષાના દ્રષ્ટિકોણથી અત્યંત વ્યૂહાત્મક અને નિર્ણાયક પગલું માનવામાં આવી રહ્યું છે.

 

મનીલામાં પોતાના આ રોકાણ દરમિયાન પીએમ મોદી ફિલિપાઇન્સના રાષ્ટ્રપતિ સહિત અનેક અગ્રણી વૈશ્વિક નેતાઓ સાથે દ્વિપક્ષીય બેઠકો યોજીને દ્વિપક્ષીય સંબંધોને વધુ મજબૂત બનાવવાની ચર્ચા કરશે.

 

આસિયાન દેશો સાથેના સંબંધોને ભારતની એક્ટ ઇસ્ટ નીતિ અને ઓશન વિઝનનો મુખ્ય આધાર ગણાવતા, વડાપ્રધાન ત્યાં વસતા ભારતીય સમુદાયના પ્રતિનિધિઓ સાથે પણ ખાસ મુલાકાત કરશે.

(8:07 PM IST)