News of Thursday, 19th November 2026
હોર્મુઝમાં તેલ ટેન્કરો ઉપર હુમલા : અમેરિકા-ઈરાન વચ્ચે તણાવ વધ્યો
હોર્મુઝની સામુદ્રધુનીમાં ફરી ભડકો : ત્રણ તેલ ટેન્કર દરિયાઈ સુરંગો સાથે અથડાતાં સળગી ઊઠ્યાનો ઈરાનનો દાવો, અમેરિકા સાથે તણાવ વધ્યો: અન્ય એક ટેન્કર ઉપર અજાણ્યા શસ્ત્રથી હુમલો: અમેરિકાના નવા હુમલાની શક્યતા, ઈઝરાયેલ દ્વારા વોશિંગ્ટન ઉપર દબાણ

તેહરાન/વોશિંગ્ટન : ઈરાન અને અમેરિકા વચ્ચે વધતા તણાવની અસર વિશ્વના મહત્ત્વના તેલ પરિવહન માર્ગ હોર્મુઝની સામુદ્રધુની ઉપર પડી રહી છે. ઈરાની નૌકાદળે બુધવારે ત્રણ તેલ ટેન્કર દરિયાઈ સુરંગો સાથે અથડાતાં આગની લપેટમાં આવ્યા હોવાનો દાવો કર્યો છે.
ઈરાની નૌકાદળના જણાવ્યા પ્રમાણે કેટલાક ટેન્કરોએ પ્રતિબંધિત ગણાવેલા દરિયાઈ વિસ્તારમાં પ્રવેશ કર્યો હતો અને તેમની નેવિગેશન પ્રણાલી બંધ હતી. આ દરમિયાન દરિયાઈ સુરંગો સાથે અથડાતાં આગ લાગી હતી. ઈરાને વેપારી જહાજોને નિર્ધારિત માર્ગોનું પાલન કરવાની ચેતવણી આપી છે.
બીજી તરફ બ્રિટનની દરિયાઈ વેપાર સુરક્ષા સંસ્થાને ઓમાનના ખાસાબ નજીક એક ટેન્કર ઉપર અજાણ્યા મિસાઈલ જેવા શસ્ત્રથી હુમલો થયાની જાણ થઈ છે. અલગ અગાઉના હુમલામાં યુએઈ સાથે સંકળાયેલા ગેસ ટેન્કરના ૧૧ કર્મચારીઓ ઘાયલ થયા હતા અને એક કર્મચારી ગુમ થયો હતો.
આ દરમિયાન અમેરિકાએ ઈરાનના કેશ્મ ટાપુ ઉપરના મિસાઇલ સ્થળને નિશાન બનાવ્યું હોવાના અહેવાલો અગાઉ પ્રસિદ્ધ થયા છે. ઈઝરાયેલના વડાપ્રધાન બેન્જામિન નેતન્યાહુ ઈરાન વિરુદ્ધ નવી લશ્કરી કાર્યવાહી માટે અમેરિકા ઉપર દબાણ વધારી રહ્યા હોવાના અહેવાલ વચ્ચે રાષ્ટ્રપતિ ડોનાલ્ડ ટ્રમ્પ નવા હુમલાના વિકલ્પો વિચારી રહ્યા છે. જોકે નવા વ્યાપક હુમલાનો નિર્ણય લેવાયો હોવાની પુષ્ટિ નથી.
હોર્મુઝમાં અસુરક્ષાને કારણે જહાજોની અવરજવર અને તેલ પરિવહન ઉપર ગંભીર અસર પડી રહી છે.
(9:41 AM IST)









છેલ્લા 8 દિવસમાં સૌથી લોકપ્રિય 
